País Llïones

Los puemas escrebilos cumu faía el propiu Padre Galo:

"g" ya "q" ensin "u", y tamién "nh" ya "lh" en cuntia de "ñ" y "ll" pespeutivamiente.

De Miranda a Lhubarca,

de riu Nabia a riu Nalón,

Viva la fala gloriosa,

del gran Reinu de Lhiyón.

Pos sí chachos estu tamién ye de P. Galo, cumu vedes él sabíe qe la fala llionesa, l´esturianu oucidental ya´l mirandês son dialeutos dafeichu asemeyaos, ye´l grupu oucicental del romance astur-llionés.

Soutru día en lhionés,

dixiste cousas de preciu,

muitu bien emprencipiaras

a usare´l falax de nuesu.

Mas agora tas arrepentíu

de falare asina en branheiru;

¡A min qe me puxa la groria,

an sere vaqeirín d´afeitu!

Esti cabeiru ye d´una carta na qu´animara a Cienfuegos a escrevir Rimas en Astur-Leonés, que fai poucu espublizóu la ALLA na súa riestra de "Cartafueyos de lliteratura escaecida".

Outros escritores desta dómina fonun los llïoneses: el maragatu Dantín los cabreireses harmanos Cabrera,el bercianu José Aragón y Escacena, los cepedanos Caitanu A. Bardón, Emiliu Bardón Sabugo...ya dispués Cesar Morán Bardón y Wenceslao Bardón, a y l´estorganu A. Garrote.

La llingua en Llión tien tradición escrita quasi contina dende´l fines del sieglu XIX ata guei cun Emilce Nuñez, González-Quevedo ou Xepe Vega pur eixeplu. Asina qe bona gana de chamanos fantasiosos ou dicire qe nun se fala ou qe´l llionés ye un inventu de quatru nacionalistas.

Comentarios

1. Pues si que escribe bien en leones, lo he entendido casi todo. Es una lastima que no le pueda responder como me gustaria, en leones tambien, pero no tengo muy bien la gramatica aun, a ver si para la siguiente vez se me da mejor.

   
   Musica | 21-10-2009 - 20:08:15 #

2. Tólos qe qiergan deprendere la nuosa lliengua qe contauten cunmiéu ya-ys pasu unos apuntines pa qe se baigan abiciandu.
   Tamién hai dalgún cursí na rede pa deprendere la variante mirandesa, ou pa deprender asturianu central acadámicu.

   
   Zurriellu | 25-10-2009 - 22:51:24 #