Calca-y nel einllaz:
CURSOS

Tamién hay deillos testos punxiáos aparte pa si daquién atrévese a faer dalgún diálogu grabáu.
DIÁLOGOS

(Tenedes de punxiar las lletrinas que saliden y' asperar unos segundos pa la descarga nnormal.)

Leer Comentarios

En lus nuesos dís lus traxes abandonan lus arcones pa las folixas grandes ya lus acontecimientos importantes en la comarca.

Yía' l folcklore ya' l xeitu de deillos grupos pur caltener lus suos raigannos lus qu' amuesan a rietmu de gaita ya tamboril l' indumentaria tradicional.

N' esta comarca atopamos grupos asgaya, unu d' eillos yía' l "Fandangu", que sacara el suo cabeiru discu: "Cantaris Antigus de Roblea", un discu perguapu u escuitar lus cancios d' esta tierra charra.

Pa escuitar, calcar eiquí

Unu lus bailes típicos de Robrea yía la xota dous pasos ou xota lixera que lus robredanos interpretan igual que comu lu bailaran lus suos enantepasáos.

Solemnes en la compostura lus beilladores colócanse de caréu frontal en filas paralelas. Lus homes acompannan el rietmu cul soníu las castannuelas, peru soden las pías ya las piernas las que marcan la coreografía cun lus floreos del baille.

En las folixas esgrandiayás de Robrea, en la ceremonia relixiosa tres l' Rosariu y' ataviáos cun l' indumentaria más elegante' n manteos y' adornos béillase l' Ofertoriu.
En lus tiempos en lus que l' economía doméstica taba a cargu lus criyáos prencipales, yeran las fías d' éstos mayordomos daquienes getaban la sua parexa pa emprincipiar el baille: Dos homes ya duas muyeres.

Asemeyáu a l' ofertoriu ta' l Son, qu' interprétase' n la praza' l pueblu u puen participar toos aqueillas presonas que lu deseen; Pul suo pasu ceremoniosu y' "asentáu", comu dícese nel Rebollal, yía l' ocasión perfeuta pa que lus mayores participen la sua folixa.
El baille más allegre, l' emblemáticu de Roblea que más presta a la xente yía' l "Fandangu", nel que estaca' l rietmu dinámicu ya' l pasu carauterísticu' l pisotón nel suelu conocíu tamién comu "l' espuela" ou "matar l' aranna" ya las vualtas sobru unu mesmu del remate final.

Toos estos bailles charros solemnes ya calmáos, comu ' l llugar u execútanse fuenon adautándouse al son lus cabeiros tiempos. En lus nuesos dís las folixas ya lus grandes acontecimientos serviden de marcu pa toos estos bailes que gracias a grupos folcklóricos caltiénense comu símbolu d' una cultura ancestral.

Leer Comentarios

Bonu, la calidá del testu nel vídeu yía permala, nun sei purquei peru al subilu tornóuseme asina...
Asperu que-yos preste!! Un saludu

Leer Comentarios

Esti pequennu trebayu englobará doutru más minuciosu, comu yía' l trax de Frisnéu que, pese a la sua pouca vitalidá, entá esiste yá' l coriosu pué facese una idega (en tool casu acompannaréi cun imaxenes reprodutivas).

EL TRAX FEMENÍN

Prendas del bustu:
•Camisa: Normalmente yía d' estoupa ou llienzu (d' indiana ou de filu de seda). La sua decoración -al contrariu d' outras comarcas en las qu' atopamos bordáos, etc- tan en los punnos ya' n las mangas; Esta suel facese cun "vuelos" de Cambray ou cun muselina.
•Xustiellu: Normalmente ta feichu a partir de sedas floreás ya tamién llistás (comu' l droguete, el rasu, el tafetán) ya texíos de llana basta ou fina (dependiendu del nivel adquisitivu ou la zona: sempiterna, estamenna, aprdu, somonte), tamién háylos de monfor, "de sayal", etc. Toos cun una gran variedá de collores ya normalmente van atáos cun cordones de seda.
•Xubón: Suel dire adornáu cun cintas de terciopelu; Las telas más utilizás soden el pannu, l' estamenna fina, llana, seda, terciopelu ya texíos floreáos (comu' l tan nomáu "de primavera"), sempiterna, ratina ou de "sayal" de Tarazona.
•Dengue: Pieza más perimportante pul suo calter distintivu ya presente en toos lus traxes, nun solu del Reinu, sinon de too' l territoriu astur-liyonés. Atópase de ratina, baieta de 100 nnidios. Ya lus suos adornos suelen tar formáos pur iladiellos de seda -non comu n' outras comarcas que l' adornu contién m´s material ou direutamente yá vien "impresu" na tela-.
•Pannuelos: (tantu pa la tiesta comu pa' l peichu) Haylos de pannu, algodón, de telas finas comu la seda, la llana ou la morsolina.

Pannuelos de bustu de seda. Bieru Baxu.

·Cotiella: Prenda posterior a la moda cortesana que sustituíu al xustiellu, faciéndolu interior; Poru, esta pieza yía de usu interior (En Ribas del Sil, utilizábase un material duru pula parte d' embaxu d' esta prenda pa que suxetase la saya -quitandu -y a esta el suo sistema de peichar ya d' aguante- revolucionandu, poru, la confeición de las prendas de centura p' embaxu. Pa dempués punxiar la camisa ou la chambra, consiguiendu un nueu efeutu estéticu.) Suel atopáse en tonos nnidios ya ta feita de seda ou lienzu.

Subprendas:
·Almiella: feicha d' escarlatín, sempiterna ya de cualsequier cotonía de la época.

·Parlamentaria: Prenda que n' El Bierzu dexóu d' utilizase (peru que n' Esturias entá esiste ya qu' en doutras zonas del Reinu nun téula documentá -solu'n debuixos qu' atopéi de 1600 de charras). Consiste en una capa que nun llega a media espalda cun dous esclavines que cerraban esta cun un broche de prata nel cuellu. Facíase de rasu llisu, de seda ou tafetán. N' el Bierzu Baxu ou Sahagún, nómase capotillu -aunque más cortu-, que facía la mesma función qu' una esclavina.
·Sayuelu

Prendas de centura p' embaxu:
·Enaguas: prenda interior a xeitu de pantalones finos feichos de llienzu.
·Refaxu: Saya interior, que púnxiase embaxu' l mantéu.
·Mantéu: Hay dous tipos de rodáos, el de diariu (feichu cun texíos burdos de llana, comu 'l pardu -perabondante' n tool Bierzu-, somonte, "de sayal", etc); Ya' l de folixa, (de pannos finos comu lus de Sonseca -Toledu-, de Béxar, de Tarazona, etc.) Abondandu las collores: prietas ya mariellas.
·Mandil: Pieza que comu' l dengue pué variar asgaya -inclusu atopamos de telar, comu n' Aliste ou Prioru na Montanna Central Liyonesa-; Peru enxeneral, soden de tela de pannos bastos (estamenna, sempiterna, baieta, baieta de 100 filos, de picote).

Mandil texíu en telares caseros. Detalle del mesmu mandil.

·Basquinna: Pieza, que xuntu a lus briales, soden exclusivas del Bierzu Baxu. Suel vistise de telas vistosas (seda, moer, alepín, etc) ya de munchas collores. Yía una saya, prieta normalmente, que punxiaban las muyeres sobru la ropa interior pa salir a la cái.
·Brial: Vestíu de seda ou tela rica qu' atábase a la centura ya baxaba en redondu fasta las pías; Yeran de tafetán, tela "francesa", seda, presiana de llana, etc.
·Guardapías: Yera un tipu de saya ou, direutamente, falda feicha de muselina, d' indianiella ou estamenna.

Detalle d' ornamentación de los manteos.

Mantéu de Torenu

Rodáu cun un senciellu adornu

Prendas más esteriores:
·Sayu femenín: Normalmente atópase na zona de Torenu ya pueblos de montanna. Solía sere prenda d' abrigu (texíos de llana, estamenna, pardu) ya yeran ou bien prietos ou de la color de texa; Yera un prenda ancha y' ensin botones que cobría' cuerpu fasta la rodiella. Facían usu d' eila tantu homes comu muyeres.
·Chaqueta: Solía presentase fecha de baieta ou estamenna, ya cun collores apagáos comu' l prietu ou 'l paxizu.
·Chupa: Podían llevar mangas ou non ya cun la trasera de diferente tela del restu la prenda (tisú ya tafetán, cun moer... ya milentas combinaiciones). Utilizábanse collores nnidias comu' l blancu ou el veige cun adornos tipu brondas; Yera una vestidura axustá al cuerpu, llarga fasta casi las rodiellas, qu' abraza el restu vestiduras interiores, pur enriba la cual nun hay más roupa que la casaca. -La "casaca" yera ciertu xénru de roupa cun mangas, que nun llegan a la munneca, ya las faldiellaes caeden fasta la rodiella, en la cual, púnxianse más vestíos.

Calzáu:
·em>Abarcas: De cueru, cun correas ya pannos.
·Madrennas:Tamién nomás "galochas"; Tan fechas de madera ya suelen dire adornás a gustu del madrenneru; Suelen punxiase cun escarpines ou zapatiellas pa daquién las punxie nun fráyese cula madera en las pías.

Galochas de Pumarín

Tipoloxía de galochas según la zona xïográfica.

·escarpinesUn escarpín yía un calzáu de pannu asemeyáu a una zapatiella que punxíabase cun las madrennas ou abarcas. Había escarpines d' home ya de muyer, altos ou baxos (comu una bota de pannu) que llegaba a media pantorriella ya cerrábase cun botones ou broches.
·Zuecos:Calzáu de cueru cun suela de madera.
·Medias: Soden de llana, llana nnegra, rayá ou del país. Las menos comunes, aunque esistentes, soden las de seda, estambre, baieta paxiza ou pardu.
·Calcetas
·Zapatos
·Canielleros: En Quintana de Fuseros gastan aún las muyeres una prenda de pannu: el canilleru, cun la que cobríanse las pantorriellas, lliandu dempués, en xeitu d' espiral, una cinta de la mesma tela. Normalmente fabricábanse cun restos d' aqueillos pannos que sobraban.
·Baraxones: Raquetas que punxiábanse atás a las galochas pa dire caminandu pula nnieve. -Las más peculiares soden las de la zona d' Ancares-.

Xoyas:
·Collares: Puen ser vualtas de coral cun lus suos respeutivos adornos, ou d' azabache. (Tamién utilizóuse la pasta vítrea, peru yá fou posteriormente).
-Materiales: (Válidu pa toas las xoyas) Perlas, coral, feguras matizás, diamantes, piedras de Francia, diamante de San Antoniu, nácar, amatistas, oru, prata, chispa, perlas "bastas", pasta vítrea, etc.
-Complementos: Crucifixos, medallas, veneras -concha de la vieira-, agnusdéi (Trozu de cera nnidia, amasá pul Papa -solía dicise-, cun polvos de reliquias de Santos, a daquién sirvían ya asistían pa estu dalgunos Cardenales ya Prelaos; Métese esta cera ente duas formas, que la una yía la d' un corderu cun la inscrición d': "Agnusdéi", ya la outra, la imaxen de Cristu, de la Virxen ou dalgún santu cun la sua inscrición ya' l nome del Pontifice que lus fae ya bendice: y' asina salen estas formas na cera de mediu relieve ya regularmente de xeitu circular ou elípticu; Yía una pieza espandía pur tool Reynu, poru, típica solu de las nuesas tierras que fou espandiéndouse na época medieval. Nnidiamente, a pese tool ritual relixiosu, tien de dicise que la relixiosidá na cultura liyonesa tien calter d' amuletista ya protecionista, non, al contrariu d' outras culturas que mos rodean, la función de devoción.), lignum crucis -suel guarnecese n' oru cu la sua cadena de prata-, cruz de San Toribiu, Efixie -imax ou representaición d' un personax sagráu- de Santiagu (ya d' outros Santos), brincu, cruces en xeneral, crucetas, figuras del xeitu de botón ou d' almendra...; Cerquiellos, reliquiarios, etc.

Agnusdéi de Frisnéu pa colgar na pared (la famillia tuvu de vender ou fundir el soporte de prata ou oru, peru yía una xoya exlusive pa lus collares las muyeres.)

·Aniellos
·Pulseras
·Pendientes/arracás
·Sortixas
·Hebiellas
·Rosarios

Leer Comentarios

Déxo-yos un videu de Mayalde, qu' aunque de mala calidá, escuitase perbien:

Un saludu a toxs. Cisastura

Leer Comentarios

---->EL BREVIARIU<----

Pa controlar la llucha de cái... la NUESA llucha de cái.

Leer Comentarios

Lus 50 annos fatídicos, ya pasanon...

Adieus...yá siempres nel coral

Leer Comentarios

Trátase d'una identidá recuperá fae pocu d' una tradición que consistía en que un tamborileru xubiera a la catedral de Sallamanca toos lus annos en víspera de toos lus Santos, a tocare una piececina pa facer remembranzas d'un terremotu que ocorrióu en Lisboa allá'n lus 1756...ya que las suas consecuencias vienónses tamién nel nuesu país llïonés. Esti home del cuale falu ía'l Mariquelu, unu de lus miyores tamborileros (dempués del "Guinda", el tíu "Frehón"...yá toa esa promoción d'antiguos tamborileros, de lus cuales munchos dexánonmos)que you escuchéi (entá fáltame escuchar a munch@s, esu tamién hay que dicilu).

Eiquí dexo-yos dalgunos cancios pa que puedan escuchalos.Nun púnxiolos toos yá que nun cabeden ,peru puén dirixise la miea páxina en goear:
Escucha al Mariquelu
Tamién dexu la páxina d'esti gran home, Angel Rufino de Haro:
http://mariquelo.salamanca.org/joomla/index.php?option=com_content&task=view&id=12&Itemid=31

MENSAJE DE ÁNGEL

El tiempo corre que vuela y un año más se va cumplir (Dios mediante) la tradición de "El Mariquelo". Es para mí un gran honor el poder dar gracias a Dios en este evento tan importante que cumple veintiún años desde que se perdiera en 1976 y en conmemoración del terremoto de Lisboa creemos que hallegado el momento de conseguir el que esta fiesta sea considerada de "Interés turístico regional", pues reúne todos los requisitos (antigüedad, arraigo, identidad y proyección).

Esto se llevaría a cabo contando con el gran apoyo de todas y cada una de las personas, entidades públicas y privadas de instituciones que colaboran cada año.

¡Siempre con nivel, y de límite "el cielo"!

Leer Comentarios

Leer Comentarios

Constantin; Miranda do Douro (Tras-os-Montes)

La preparaición d’esti día entama la postrera selamana cun la xunión de lus mozos pa recueyere maderos pa la pergran foguera. (lus nomáos dís de “brezu”)

La folixa entama cul ritual de pedir l’aguinardu ya la vesita’l CAROCHU a lus vecins del pueblu. En víspera ‘l gran día, pur la nuache, lus mozos prenden la foguera na plaza xuntu a la cá ‘l pueblu ya lus paluiteiros ya gaiteiros faen el suo cabeiru ensayu.

Enllegandu ‘l día aseñaláu, el ritual d’ “invitaición” dura pavias toa la mañana fasta l’ intre la liturxia (fáese una misa dedicá al patrón San Xuan).
En la “invitaición” participan lus gaiteiros, lus pauliteiros, lus 2 enmascaráos, el carochu ya la vieya; Representandu escenas relacionás cun la fertilidá.
El día dempués, pur la nuache, fáese una xantá cun toos lus vecins comu autu únicu en too l’añu.

Leer Comentarios

ETNOCIDIU Def.destruición de la cultura d'un pueblu.

El xenocidiu mata lus cuerpos,l'etnocidiu a l'espíritu...¿¿¿CREES QU'HAY DALGUNA DIFERENCIA???

Leer Comentarios

Leer Comentarios

Leer Comentarios

LA FOLIXA, CUMU YA Ú GÜEDEYALU

Esti trax pué güedeyase na proceisión del Corpus Christi,que recuerre too’l pueblu,pasandu pur toos los altares qu’instálanse nas cáis, las cás revístense cun mantones, colchas ya paños decoráos cun los bordáos serrranos.Pur últimu,tamién pué güedeyase na festividá de l’Asunción (Agostu ya 15-16) declará Interés Turísticu Nacional.
ANTECEDENTES
En La Alberca esisten deiLlos tipos de traxes femenins:Trax de manteu ou de saya,trax del ramu ou de danzanta ya’l trax de Vista –n’esti últimu había dous :el de iglesia ya’l de cái,aunque nel casu La Alberca el primeru desapaecióu-
En doutros pueblos,atopamos variantes cumu ía’l de dadivas en Mogarraz ou’l de Candelariu

Esti trax ía’l de bodas ya’l ritu facíase bastante complicáu ya duraba pavias días abondu (sobrutoo’n branu ou n’otoñu aprovechandu’l dineru xeneráu pur la cosecha ya vendimia.)

El modelu utilizáu n’autualidá ía una parte’l conxuntu d’indumentaria que vestia al ritual completu la boda yá qu’el qu’hay n’autualidá correspuende al trax de la salida de la iglesia,habiendu perdíu’l modelu qu’usábase nel interior d’esta (esisten referencias ya dalguna semeya ,ya que debía ser asemeyáu al d’ágora peru c’un gran SERENU OU MANTU DE VISTAS

El trax tien una iconografía direuta,fasta entamos del sieglu XX, que permitíanos reconstruir la sua hestoria ya oríxenes,peru piezas d’indumentaria ya organizaición de xoyas asemeyás apaecen en modelos de muyeres maragatas ya charras dende mediáos del sieglu.XVIII.

Pur el tipu de xoyería proteutora,qu’apaez tamién pur la mesma época,supóngu que los modelos orixinales sitúanse nel s.XVI .Las toucas tantas vegás referías pur lus suos anteedentes moriscos,tamién apaez nos traxes femenins de lus sieglos XVI-XVII.

El trax ía una caxa d’aforros andante na que la famillia punxiaba toa la sua riqueza que diba teniendu a lu llargu lus años ,pasandu de xeneraición en xeneraición.

SILUETA ESPLICATIVA

SILUETA ESPLICATIVA-TRASERA

PIEZAS

Esti trax ta compuestu d’un xeitu que seya’l soprte qu’enmarca la xoyería que decóralu.Confeccionandu comu toas las indumentarias femeninas populares pur superposición de dientru a fuera.

-CAMISA: llarga,de llinu brancu bordá n’algodón nnegru en mangas ya puños.Estos últimos fáense cun “corcháu” ya oxales de collores ya puntiella ñegra a ganchiellu.

-MEDIAS:Encarnás,d’algodón, cun bordáos de vivos collores.

-ZAPATOS:c’una hebiella de prata decorandu la llingüeta na que ta suxeta.

-REFAXU VUELU: -de varias SAYAS BAXERAS ya MANTÉOS BAXEROS- dexándose güedeyar las cortapisas

-MATÉU:de pañu moráu cun tiras de terciopelu ya cintas de seda la collor salmona yapasamanería prateá.El picu la trasera decórase c’un ramu estilizáu rïalizáu tamién cun los mesmos materiales del mantéu.

-FALTRIQUERA.
-BERNIU:ampliu mandil que dóblase ya déxase cayere delantre


-SOBREBERNIU:Parte dobrá soperior del berniu
-FAXERU: banda de tela
-CEÑIDOR:cobertor del faxeru
-SOBRUECEÑIDOR: ibidem –caídas de cintura-
-XUBÓN:de tercipelu,perescotáu, atase al cuerpu c’un cordón.

-CAÍDAS D’ESPALDA:Cintas formandu la “M” mariana asuxetás c’unas alfileres.
-PAÑUELU:de collores vivas ou de “llamas”

-TOUCA:Púnxiase na tiesta ,ía un rectangulu adorná cun cintas púnxiase del xeitu de qu’ un de los picos caiga sobru la frente,dous sobru los hombros ya’l cuartu nel centru la espalda.Tien comu finalidá,aparte d’ocultar el rostru la muyer,tapar el artificiu de las CINTAS ATAERAS au cúelganse la xoyería
XOYERÍA
Estas soden lu mas singular del trax,el suo conxuntu ta formáu pur coral ya prata au atopamos:relicarios,patenas,medallas,crucifixos ya too tipu de dixeros.Alcanzandu un pesu de 10 Kilos.Esta xoyería ta cargá de simboloxías ya d’eleumentos de proteición.

-PENDIENTES:Soden las piezas mas personales (de fierraúra ou abanicu,arracás,bellotas,madexas,calabazas,cestas,etc)
Los collares formáos pur cuentas de corales encarnáos cun deillos eleumentos de prata denomináos MANOXITOS ya MANOXOS.

SEMEYAS

Leer Comentarios

Leer Comentarios

Faigu-yos el resume d'un viax.

Bonu,séi que la xente que güedeye'l mieu blog (pouca...) tará cansá d' imaxenes ya vídeos,peru ía l'únicu xeitu de que a la xente quédese-y na mente lu que quiaru transmitir
(un culu:dous ñalgas;
menos lletra:mas imáxenes).
N'esta entrá quiaru acercar mas a esa zona "pertuesa" cun tantos raigaños llïoneses,ya poucu conocía aunque si pernomá.Punxiu un vídeu pa güedeyar una las riquezas d'esta zona: Lus suos danzantes (yá qu'ágora ya secretamente tou trabayandu 'n farramacos ya paloteros que puédase atopare nel nuesu territoriu...vale,teu de dicilu,si non vou esplotar: ¡¡¡¡¡¡QUIARU UNA MASCARA DE GUIRRIIIIIIIIII !!!!
Aclaráu estu,ehí va lu prometíu:

Leer Comentarios

Leer Comentarios

Leer Comentarios

http://www.artesaniamendezlaalberca.com/

Pa lus que nun tean trax ,nin tampocu tiempu pa facelu, eiquí dexu constatá una empresa de Sallamanca espeializá'n too's los traxes (exceutu'l de la Roblea),filligrana tradicional ya fasta modelos autuales fechos cun teunicas arcaicas...

Val la pena visitalos!!

Leer Comentarios

Leer Comentarios