Bienvení@'l mieu blog chafallu :P ya gracias pula vuesa paciencia pur la tardanza de llograr esti blog,deixare dalgún camentariu :) 
04/04/2009
Lus traxes tradicionales caltienen un las sinnas d' identidá representativas de ca territoriu.
Salamanca yía una tierra perrica n' indumentaria popular. En Robrea, en la comarca del Rebollal, hay deillos atuendos qu' antiguamente usaban lus homes ya las muyeres, a diariu ya n' ocasiones especiales ya qu' entá perduran nel folclore la zona.
Entamamos cul trax charru:
En lus nuesos dís lus traxes abandonan lus arcones pa las folixas grandes ya lus acontecimientos importantes en la comarca.
Yía' l folcklore ya' l xeitu de deillos grupos pur caltener lus suos raigannos lus qu' amuesan a rietmu de gaita ya tamboril l' indumentaria tradicional.
N' esta comarca atopamos grupos asgaya, unu d' eillos yía' l "Fandangu", que sacara el suo cabeiru discu: "Cantaris Antigus de Roblea", un discu perguapu u escuitar lus cancios d' esta tierra charra.
Pa escuitar, calcar eiquí
Unu lus bailes típicos de Robrea yía la xota dous pasos ou xota lixera que lus robredanos interpretan igual que comu lu bailaran lus suos enantepasáos.
Solemnes en la compostura lus beilladores colócanse de caréu frontal en filas paralelas. Lus homes acompannan el rietmu cul soníu las castannuelas, peru soden las pías ya las piernas las que marcan la coreografía cun lus floreos del baille.
En las folixas esgrandiayás de Robrea, en la ceremonia relixiosa tres l' Rosariu y' ataviáos cun l' indumentaria más elegante' n manteos y' adornos béillase l' Ofertoriu.
En lus tiempos en lus que l' economía doméstica taba a cargu lus criyáos prencipales, yeran las fías d' éstos mayordomos daquienes getaban la sua parexa pa emprincipiar el baille: Dos homes ya duas muyeres.
Asemeyáu a l' ofertoriu ta' l Son, qu' interprétase' n la praza' l pueblu u puen participar toos aqueillas presonas que lu deseen; Pul suo pasu ceremoniosu y' "asentáu", comu dícese nel Rebollal, yía l' ocasión perfeuta pa que lus mayores participen la sua folixa.
El baille más allegre, l' emblemáticu de Roblea que más presta a la xente yía' l "Fandangu", nel que estaca' l rietmu dinámicu ya' l pasu carauterísticu' l pisotón nel suelu conocíu tamién comu "l' espuela" ou "matar l' aranna" ya las vualtas sobru unu mesmu del remate final.
Toos estos bailles charros solemnes ya calmáos, comu ' l llugar u execútanse fuenon adautándouse al son lus cabeiros tiempos. En lus nuesos dís las folixas ya lus grandes acontecimientos serviden de marcu pa toos estos bailes que gracias a grupos folcklóricos caltiénense comu símbolu d' una cultura ancestral.
Licencia:Libre Licencia de documentación Libre (Inglés)
Güen reportaji, Licia. Las afotus/semeyas son mú polías, y los vídeus, anque son de jadi muchus añus, no desmerecin en ná los que has escritu. Entovía le dan más valol a lo que has jechu.
Alreol del Ofretoriu, ná más idil qu'es de los pocus ofretorius bailablis de la provincia de Salamanca. Yo sólu conozu que se puéan bailal (y entovía se bailin) el de Robrea, el de Peñaparda (dambus dos n'El Rebollal) y el de Saucelli (pa Las Arribis). Anque tamién se bailaban en Payu y en Villarrubias (esti estamus esprimentandu a recuperalu).
Los bailis de Robrea son, comu bien idis, "asentáus". Peru étu no los jadi menus políus que los que dan saltus. De tós ellus, a mi el que más me gusta es "El Son", que nel mi parecel es el baili más antigu de la provincia de Salamanca. Por el mó y manera de bailalu y de tocalu, tieni esi sabol a vieju y puru que lo jadi especial, dentru de lo especialis que son tólus bailis d'El Rebollal.
Pa acabal, hai que jadel notal el güen tratu y el respetu que, nel pueblu de Robrea, le tienin a la palra leonesa d'El Rebollal. Lo primeru, esti grupu, que ya nel su nombri, "El Fandangu", ussan la nuestra palra. Tamién nel su discu, "Cantaris Antigus de Roblea" jadin güen ussu d'ella (Robrea es una forma más antigua que Roblea, peru se les puedi perdonal). No sólu esu, sinu que cantan tres temas del discu en la palra d'El Rebollal: "Que rompan a Jesa Arriba", "La Charrascona" y "La Joya los Caballus", además de ponel en rebollanu tamién el nombri d'otras dos cancionis: "El Fandangu" y "Pasacallis". Si anguién está interesáu, yo mesmu puedu mandali angún discu (15€ + gastus), porque les estoi ayuándu a vendelus.
Güenu, que me pierdu del tema. Tamién nel pueblu defiendin la palra leonesa d'El Rebollal. Los sus justicialis acordarun el añu pasáu ponel los cartelis de las callis en dos lenguas: palra d'El Rebollal y castellanu (además, por esti ordin), asina qu'el que jaga una vesita a Robrea, podrá vel unu de los pocus pueblus del Reinu de León con los nombris de las callis en una de las palras leonesas, en esti casu en la palra leonesa d'El Rebollal. Comu no pué sel menus, estáis tós envitáus a vesital la comarca.
Un saludu, Licia, y noragüena por el reportaji.
Sólu una cosina, Licia. Los "Ajecháus" ná más se bailan en Peñaparda. En Robrea no tienin esi ritmu (quiciás sí nel pasáu, peru hogañu no se conserva). Lo que sí se idi es que antañu, además d'en Peñaparda, el panderu se tocaba tamién en otrus pueblus d'El Rebollal, comu Robrea o Villarrubias.
Güenu, prenda, que sepas que hi puestu el enlaci con el tu blog nel foru de Robrea, y les ha prestáu abondu. Jasta se han queáu con ganas de vel más vídeus (el de las gorras de paja y el del trabaju del bercéu).
Un saludu.
Gracias Txebe pur tou, lus cancios vou punxialus nel apartáu del panderu de Pennaparda:
http://paislliones.gugara.com/frisneu/post/2006/12/02/taller-cumu-facer-un-panderu-pa-la-batalla-xd
Lus videos que dices yá lus punxiaré cunandu faiga doutros reportaxes, a ver si lus pueu enllazar -teu muuuuuuuunchu material xD!!-
Un saluduu!!!
Bonas collacia "blogera" (y tocaya), ente los mios 10 Bloges d’Ouru s‘alcuentra ..:.:CiSaStUrA FrAxInEtUm:.:.., pasa recoyelu pul miu llagu
Beisines
Aliciatodocelta2@hotmail.com
| ||||||
¡¡NUEVU!!
Canal de música tradicional liyonesa.
Calcái nel barner:
Amestar feed a:
Contautar col autor |
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
