Bienvení@'l mieu blog chafallu :P ya gracias pula vuesa paciencia pur la tardanza de llograr esti blog,deixare dalgún camentariu :)
26/04/2006
Las filanderas (Hestorias curtias)
Fou un día la ca de Pilarín a lláu'l pozu que tenía la parte norti'l pueblu y'atopéi unas cuantas muyeres;
Taban toas arrexuntás,na eira'l Tiu Michanu;La mayoría taban filandu;You ditrás d'un fatu de carqueisas ya derrepente pasa'l FALADEIRU'l pueblu,ya tiróu un pedarrazu al lláu u taban eillas.
L'home,p'amansïare la cousa,salta:"Pa las que filan",y'entama a riise.Peru la fía'l ferreru,la mas listiella diz:"You adobanu",¿a si? "Pus cueyelu cun la manu".Entamanon toos a riire ya dalgunas cun remiellas pa la qu'adobanaba cumu dicindu "miyor,calladina..."
Las pedras del teixáu:
Taba you cun Marianua al lláu'l pozu l'eira,tou enchenu barrizales,que si descuidabaste,te moxabas enteru,purque enantias nun había asfaltu cumu ágora...y'amás esos charcos engañante,soden mas fondos de lu creyes.Lus poucos borrachos qu'hay nel pueblu siempres son los únicos que caen.
Tabamos eilli ,lus dous,Marianu yera mas grande que you,ya güedeyemos nel intre,un fatu de mozos que diban pa cun la Campanina (na plaza central del pueblu),onde reuníanse lus guaxes,pa facere conceyos;Lus mas piquiños xuegaban a l'escondite ou a l'aluche ya lus mas grandes a bolos llïoneses,(qu'el mieu güelu ya'l mieu pa yeran lus miyores).Lu miyor yera güedeyar l'especie de llucha llïonesa que facian,siempres había un mozu,que nomábase César ,igual que you,que yera de lus piquiños,peru'l mas grandullón,ya siempres que xuegaban y dibaste pa un lláu,eilli ayudabate pa que te cayeras,comu yera'l mas forfucu...Dempués taban lus mayores,que si facían aluche,yera pur l'amor d'una moza,pa ensiñar lu fuertes que yeran...
Bonu,diban pa la plaza,ya páranse a falar delantre la ca de tiu Fermín.Marianu,que yera muy pillu,ocorriose-y l'idega d'utilizar lus morrillos qu'habían pur ehí pa descargarlos nel teixáu,y'asina cuadrare que lus guaxes corrieren cagandu centiellas.Asina que cueyimos las piedras ya tiramoslas pal texáu'l Fermín (si nun facíalu,al sere tan bestia,dempués pegábame ya too,you yera'l piquiñu asina que tenía qu'oubedecere),ya: "pum.pum,pum,pum..." diban cayendu una pur una,pavias lus mozos siguian falandu.Al oyire'l ruíu Ferminín sal de la sua ca cul cinturón,lus mozos comu había Lluna güedeyanon l'aniella'l cinturón ya ensin entrugare a naide salienon toos pitandu,¡¡eilli naide entrugaba na!!corrienon ya corrienon ,ya peme que a un mozu ou dos,alcanzoule un zurriagazu.
Na plaza nun quedóu nin un alma.Desapaecienon toos en cuestíon de segundos.Pavias,Marianu ya you riendomos a carcaxá llimpia...
Joer, no sabíamos que existía este blog. ¿Desde cuando? Muy interesante, bien currado, atractivo y con un contenido muy notable. Enhorabuena de veras... tiene un estilo diferente, más agresivo, muy novedoso. ADELANTE y haberlo promocionado antes.
Bueno Licia o como te llames o sea quien sea quien está detrás, nos ha gustado tanto el estilo de tu blog y las novedades de todo tipo, para nosotros, que presenta que te hemos dedicado un artículo en nuestro blog (El Espacio Neutro, en el Anillo). No te quejarás. Lo que te pedimos es que tengas constancia y que sigas/sigáis el camino iniciado. Creemos que es el FUTURO.
Enhorabuena.
Bonu,gracias pur apoyáime;nun punxiu mensax nel vuesu blog,que sou muy pueblerina ya nun pega...xD!!.
El méritu,creigu,qu'ía pa toas las xentes qu'ayudanonme a recuellere informaición sobru'l pallabreru...Ya,sobrutoo remembrar a toa la xenti (tan llariega) Frisneu que pa cun eillos un beisu pergrande,sobrutoo lus que mos dexanon.
Que la cultura nun hay que dexala morrer enxamás.Y perdonáime pul mieu llïonés inmexorable ¬¬...he,he.Asperu mexoralu ya que toos podáis disfrutar,copiar :),fomentare...toa esta chafallá,tan permitía.
Salú y'axebra!!
| ||||||
Amestar feed a:
Contautar col autor |
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
