Bienvení@'l mieu blog chafallu :P ya gracias pula vuesa paciencia pur la tardanza de llograr esti blog,deixare dalgún camentariu :)
24/03/2008
Esta entrá yía dededicá' l mieu güelu, que mos deixa...
Marchóuse, ensin dicime comu encordar, nin siquier...
Milentas de cousas que quedanonme ensin saber...
Lus 50 annos fatídicos, ya pasanon...
Adieus...yá siempres nel coral
21/03/2008
Bonu, yá va tiempu que nun punxiu denguna cousa pur estos intres...perdón pur lus qu'avegás guetáis nuevas nel mieu blog, purque vos dexe arrequeixáos.
Vou falare d'un personax la nuesa tierra, que de xuru que çamoranos ya llïoneses nun sabeden un carayu, peru lus salmantinos sí. -si non, ía p'afogalos...-
Trátase d'una identidá recuperá fae pocu d' una tradición que consistía en que un tamborileru xubiera a la catedral de Sallamanca toos lus annos en víspera de toos lus Santos, a tocare una piececina pa facer remembranzas d'un terremotu que ocorrióu en Lisboa allá'n lus 1756...ya que las suas consecuencias vienónses tamién nel nuesu país llïonés. Esti home del cuale falu ía'l Mariquelu, unu de lus miyores tamborileros (dempués del "Guinda", el tíu "Frehón"...yá toa esa promoción d'antiguos tamborileros, de lus cuales munchos dexánonmos)que you escuchéi (entá fáltame escuchar a munch@s, esu tamién hay que dicilu).
Eiquí dexo-yos dalgunos cancios pa que puedan escuchalos.Nun púnxiolos toos yá que nun cabeden ,peru puén dirixise la miea páxina en goear:
Escucha al Mariquelu
Tamién dexu la páxina d'esti gran home, Angel Rufino de Haro:
http://mariquelo.salamanca.org/joomla/index.php?option=com_content&task=view&id=12&Itemid=31
MENSAJE DE ÁNGEL
El tiempo corre que vuela y un año más se va cumplir (Dios mediante) la tradición de "El Mariquelo". Es para mí un gran honor el poder dar gracias a Dios en este evento tan importante que cumple veintiún años desde que se perdiera en 1976 y en conmemoración del terremoto de Lisboa creemos que hallegado el momento de conseguir el que esta fiesta sea considerada de "Interés turístico regional", pues reúne todos los requisitos (antigüedad, arraigo, identidad y proyección).
Esto se llevaría a cabo contando con el gran apoyo de todas y cada una de las personas, entidades públicas y privadas de instituciones que colaboran cada año.
En un mayor engrandecimiento de la fiesta y que supone una gran proyección cultural y turística para Salamanca por todo el mundo adelante esperando que cada año sigamos sintiendo y viviendo de corazón el valor de esta loable e inigualable acción de gracias.
¡Siempre con nivel, y de límite "el cielo"!
11/03/2008
Un inxenieru agrónomu mexicanu fou unviáu pul gobiernu federal a un territoriu'l sud, d'entornu selváticu ya pobláu d'indíxenas. La sua llabor yera convencer a los paisanos los avances de la modernizaición: tractores, maíz xenéticamente perfeutu, abonos químicos, inseuticidas, créditos bancarios que nun deixan un furacu nel bolsiellu...
Dempués de pasáu un tiempu, los paisanos ,yá modernizáos, finanon pur vender las suas tierras, yá que cun los frutos qu'amalgaban nun podían cun tantu gastu.Los inseutos camudáos pedían inseuticidas cá vegá mas potentes, la tierra empobrecía, había qu'abonala cun abonos químicos pa caltenere la cosecha, ya los créditos bancarios "suaves",nun perdonaban...
L'inxenieru ,n'aquel intre ,entamóu a pescanciar la coriosa tradición agararia'l llau au atopábase, enllena d'ellementos mitolóxicos. Las plantaiciones de máiz taban punxiás en xeitu d'estrella de cincu puntas.Nel centru plantábase un círculu de maíz cun la fuella, el pelu ya 'l granu d'una collor roxa, pavias que'n cá brazu l'estrella, correspondía-y un tipu de maíz d'un tonu diferente. Ca seutor dedicábase, entós, a un dieus ya...la cosechas yeran regulares.
Coriosamente, los inseutos depredadores la zon, mostraban un predileición irresistible pul maíz roxu, al cual, diban sistemáticamente fasta'l final de la cosecha, respeutandu el restu'l campu de maíz. El maíz de pur la metá, la vexetaición de caréu redondu ya las prauticas rotativas, daban a una tierra mantenía ya la regularidá produitiva.
28/12/2007
FOLIXA LAS MORCIELLAS en CUSTANTIN
Constantin; Miranda do Douro (Tras-os-Montes)
La preparaición d’esti día entama la postrera selamana cun la xunión de lus mozos pa recueyere maderos pa la pergran foguera. (lus nomáos dís de “brezu”)
La folixa entama cul ritual de pedir l’aguinardu ya la vesita’l CAROCHU a lus vecins del pueblu. En víspera ‘l gran día, pur la nuache, lus mozos prenden la foguera na plaza xuntu a la cá ‘l pueblu ya lus paluiteiros ya gaiteiros faen el suo cabeiru ensayu.
Enllegandu ‘l día aseñaláu, el ritual d’ “invitaición” dura pavias toa la mañana fasta l’ intre la liturxia (fáese una misa dedicá al patrón San Xuan).
En la “invitaición” participan lus gaiteiros, lus pauliteiros, lus 2 enmascaráos, el carochu ya la vieya; Representandu escenas relacionás cun la fertilidá.
El día dempués, pur la nuache, fáese una xantá cun toos lus vecins comu autu únicu en too l’añu.
19/11/2007
PUEBLU
La Alberca atópase nas estribaiciones ocidentales del Sistema Central,al lláu la Sierra ed Peña Francia
LA FOLIXA, CUMU YA Ú GÜEDEYALU
Esti trax pué güedeyase na proceisión del Corpus Christi,que recuerre too’l pueblu,pasandu pur toos los altares qu’instálanse nas cáis, las cás revístense cun mantones, colchas ya paños decoráos cun los bordáos serrranos.Pur últimu,tamién pué güedeyase na festividá de l’Asunción (Agostu ya 15-16) declará Interés Turísticu Nacional.
ANTECEDENTES
En La Alberca esisten deiLlos tipos de traxes femenins:Trax de manteu ou de saya,trax del ramu ou de danzanta ya’l trax de Vista –n’esti últimu había dous :el de iglesia ya’l de cái,aunque nel casu La Alberca el primeru desapaecióu-
En doutros pueblos,atopamos variantes cumu ía’l de dadivas en Mogarraz ou’l de Candelariu
Esti trax ía’l de bodas ya’l ritu facíase bastante complicáu ya duraba pavias días abondu (sobrutoo’n branu ou n’otoñu aprovechandu’l dineru xeneráu pur la cosecha ya vendimia.)
El modelu utilizáu n’autualidá ía una parte’l conxuntu d’indumentaria que vestia al ritual completu la boda yá qu’el qu’hay n’autualidá correspuende al trax de la salida de la iglesia,habiendu perdíu’l modelu qu’usábase nel interior d’esta (esisten referencias ya dalguna semeya ,ya que debía ser asemeyáu al d’ágora peru c’un gran SERENU OU MANTU DE VISTAS
El trax tien una iconografía direuta,fasta entamos del sieglu XX, que permitíanos reconstruir la sua hestoria ya oríxenes,peru piezas d’indumentaria ya organizaición de xoyas asemeyás apaecen en modelos de muyeres maragatas ya charras dende mediáos del sieglu.XVIII.
Pur el tipu de xoyería proteutora,qu’apaez tamién pur la mesma época,supóngu que los modelos orixinales sitúanse nel s.XVI .Las toucas tantas vegás referías pur lus suos anteedentes moriscos,tamién apaez nos traxes femenins de lus sieglos XVI-XVII.
El trax ía una caxa d’aforros andante na que la famillia punxiaba toa la sua riqueza que diba teniendu a lu llargu lus años ,pasandu de xeneraición en xeneraición.
SILUETA ESPLICATIVA
SILUETA ESPLICATIVA-TRASERA
PIEZAS
Esti trax ta compuestu d’un xeitu que seya’l soprte qu’enmarca la xoyería que decóralu.Confeccionandu comu toas las indumentarias femeninas populares pur superposición de dientru a fuera.
-CAMISA: llarga,de llinu brancu bordá n’algodón nnegru en mangas ya puños.Estos últimos fáense cun “corcháu” ya oxales de collores ya puntiella ñegra a ganchiellu.
-MEDIAS:Encarnás,d’algodón, cun bordáos de vivos collores.
-ZAPATOS:c’una hebiella de prata decorandu la llingüeta na que ta suxeta.
-REFAXU VUELU: -de varias SAYAS BAXERAS ya MANTÉOS BAXEROS- dexándose güedeyar las cortapisas
-MATÉU:de pañu moráu cun tiras de terciopelu ya cintas de seda la collor salmona yapasamanería prateá.El picu la trasera decórase c’un ramu estilizáu rïalizáu tamién cun los mesmos materiales del mantéu.
-FALTRIQUERA.
-BERNIU:ampliu mandil que dóblase ya déxase cayere delantre
-SOBREBERNIU:Parte dobrá soperior del berniu
-FAXERU: banda de tela
-CEÑIDOR:cobertor del faxeru
-SOBRUECEÑIDOR: ibidem –caídas de cintura-
-XUBÓN:de tercipelu,perescotáu, atase al cuerpu c’un cordón.
-CAÍDAS D’ESPALDA:Cintas formandu la “M” mariana asuxetás c’unas alfileres.
-PAÑUELU:de collores vivas ou de “llamas”
-TOUCA:Púnxiase na tiesta ,ía un rectangulu adorná cun cintas púnxiase del xeitu de qu’ un de los picos caiga sobru la frente,dous sobru los hombros ya’l cuartu nel centru la espalda.Tien comu finalidá,aparte d’ocultar el rostru la muyer,tapar el artificiu de las CINTAS ATAERAS au cúelganse la xoyería
XOYERÍA
Estas soden lu mas singular del trax,el suo conxuntu ta formáu pur coral ya prata au atopamos:relicarios,patenas,medallas,crucifixos ya too tipu de dixeros.Alcanzandu un pesu de 10 Kilos.Esta xoyería ta cargá de simboloxías ya d’eleumentos de proteición.
-PENDIENTES:Soden las piezas mas personales (de fierraúra ou abanicu,arracás,bellotas,madexas,calabazas,cestas,etc)
Los collares formáos pur cuentas de corales encarnáos cun deillos eleumentos de prata denomináos MANOXITOS ya MANOXOS.
SEMEYAS
19/11/2007
Chachu,Carlus;saca una jarrica y-aquí al-amor de la llumbre vus cuntarei lu que nus pasou al ti Pucherus y-ami, la primé vé que fumus a Lión.
El die que se l'afugou la vaca 'l ti Antón el de la viuda,,fú pal plau de las llinares a curtar'un feige de vilortas,y dispués que las curtei, manguéilas n'el pudón y diba pa casa cuntandu pul caminu ichar'un cuartillicu-n' la tabierna,cuandu ¡recongrio!, la mi muyere que .ye 'l diabru cumpañerus, peque me l' ulieu, y salioum-al uncuentru.
Chacha; ¿onde vas un?- ye dige, y constestóume que se y-habié escachau una galocha-la rapaza y-habié que dir'a Lión, a mercay-unas.Díjume tamién, que diba'l ti Pucherus, y dend' alli mesmu ¡recongrio!, me fizu dir'avisalu.
Vilu,y quedemus cunformes en q'antias de l'alba'teníanus destar'al-outru llau del rieu.
Fu pa casa, y-entre cebare las vacas y-anda pacá, y-anda pa cullá, pasóusem'el tiempu ¡recongrio!,y gracias a-la mi tié que ye más aguda q'un pardal, pud'ichame lintres q'ella midieu media faneguica de fabas brancas pa vendelas ne Lión.
L'asuntu ye chachicus, q'un cuasi n'habié descabezau'l sueñu cuando m'allebantei.Aparejei la burra,pusei las-alforjas y la quilma 'ncima, y-alantre ¡recongrio!...
Aguardábame ya 'l ti Pucherus junt' a la puent'embuzau ne l'angüarina, y desiguida que me vieu,cuyieu la sua burra,muntóuse,yhala q'hala 'lliguemus d'un'asentad'a Muntejus.Allí,paremus pa llabare 'l gañate cun la parva,y dispués muntemus outra vé,yhala q'hala ¡recongrio! pur el mont'alantre, hasta q'alliguemus, a-la carretera de la Virgen del Caminu, onde nus pasou lu que vus dire-y hora mesmu
Chachu;tray pa-cá la jarra q'hay que muyar'un poucu la llengua pa q'ande llista.
Pus vus dicié, q'alliguemus a-la carretera, y sin sabere comu fúi ni cumu nou,cumparecieu cumpañerus delantre nusoutros a modu d'una ñube de pulvareda que diva cun-una cousa ñegra recongrio que tous nus pasmou.¡Recongrio!:¿vela la-mi burra;tirare dos castañas y-ichame al suelu?,tou fíu-uno.Al ti Pucherus, pasóuye dos cuartus de lu mesmu y un pior q'ami, q'él quedou embaju la quilma metieu ne la cuneta,y nu pudié amuvese.Cun la mesma,uyimus dos gruñius cumu lus d'un gochu y parous'aquellu que yera a modu d'un carrín mu guapu peru ¡recongrio! sin caballus ni cousa que lu valga;y-allegorun a 'llibantanus una siñurina y dos siñoritus tous guapus mozus.
I ye verdá recongrio.Aquellu pe-que yera cousa del-outru mundu.Pure Belcebú que si'ntoncias dam'una cuchillada ne la barriga,nu manaba gota de sangre del mi cuerpu ¡recongrio! Chachicus que siñurina más guapa.Pe-que dan ganas de rellambése nu más-alcurdáse d'eilla;privaba'l sentiu hijius,privaba el sentiu.¿Y q'ulores? Antujóuseme q'ulié mujore que lus nuestrus plaus pure San Juan.Basta decibus que you y-el ti Pucheros,que-demus encantaus y quitóusenus d'arrepente la dulore de las custiellas.¡Recongrio con la moza que maja yera! Y ye verdá recongrio y tan verdá ye,que la mi muyere cuandu turnei pa casa y ye cuntei tou lu que viyi,tiróume cun-una banca recongrio,que sinu m'esgapu rebiényame bien.
¡Aquellu yera muyer'y nu el feige de paya que Dios me dieu pur dichousa recongrio!
Pasóusenus el sustu, y-aquellus del carrin fuyerun recongrio cum'alma que llieva'l diabru ,y díjunus un pión camineru que nus ayudou a punere las quilmas ne las burras q'aquellu yer'un "atrozmvre" u nu sey cumu i llamóu.¡Currié más que la mi vaca Silga cuandu i pica'l tábanu congrio!Unque peza mentira,ye verdá ¡recongrio! ¿la mi burra cuyeu'n espantu?q'on peque nu s' i ha quitau del tou.Custóunus Dios y ayuda,pa que deijar'ichai las bragas-encima.
Pur fin y pur postre,muntemus y carreter'alantre divanus cumu'l tren chachicus.Tiniades que ver'al ti Pucherus;facié de cuandu 'n cuandu ¿unas guiñadas? ¡Recongrio!,mancóuse pur tou'l cuerpu, y you pensei que tinié cayida la piniella, asina ye q'al alliegar'a Torbaju,metil'ancá del Bretinariu pa que y' arregrara la manquera.
Chachicus;púsulu de barriga n'el bancu d'aferrare y ¡recongrio!¿diouy'unus pillíscus?Vasquiaba y berraba 'l ti Pucherus cum'un diabru,¡recongrio! y ye pa berrare cuaisquiera chachus,pus-atizóuye de firme.
A la cuenta,llivóuye ouchu riales pur la bimá,y si nu ye pur mí,que-i di unas güenas friegas de vinu pur'adentru, y-outras d'aguardiente pur'afuera,llévaselu'l demoro cun tanta dulore.
Al cabu y a-la postre,muntémusnus-outra vé,y-arre q'arr' hasta Lión, y vusoutrus que ya sabedes cum'esta'quellu, tupemus a la prumeru cun-el ferrucarril, y-alli la mi burra que ye mas testaruda que la ti Quica¡recongrio!, dijunus que yera de la sua tierra.Pudés cuntá que tinimus que quitay la quilma, y pasala cuasi ' brazus cum' un rapá de teta.¡Recongrio lu que nus fizu mulere!
Mas alanrte,pasemus pure'l filatu y nus saliéu'n tiéu al-uncuentru, y cubróunus-el cunsumu.Peque pagamus aqui poucu ¡recongrio! q'on nus facen pagar'allí.
You,enfadéime mucuh;¿peru'l ti Pucherus?;¡habié que velu recongrio! Y'escucién más-aquellas perrinas que dieu que las mesmas costiellas¡recongrio!
A la par q'entremus allá pul Mesón del Picu,afalléimus-al ti Negriellu que nus-encaminou pa-la praza'l pan.
Nu mas entrare,lu mesmu lus garbanzus que las mis fabas,nu funun vistas n'uyidas;yeran de tan güena calidá, que de siguida nus las mercorun.
Dispués fumus a mercay las galochas a-la mia rapaza a la praza mayore, y ¿cumu nu sabiamus p'onde cayié? apreguntemus a unus rapacines asina siñuritus-que pe-que nunca cumierun pan de cristianu pu 'la cara d'agumitaus que facien; ¡y armórunnusla güena recongrio!¿Escumenzórun-a tiray de l'enguarina'l ti Puchuerus, y-a llamy braguinas recongrio?, que yes dimus una fartaina de rire tous lus d'aquella calle que peque nunca vierun-outra.Son el diabru compañerus;cuentemus nu salire d'aquella,pus -el ti Pucherus amuscóuse y piore que pior.Ychéimus-a currere;y-ellus-a currere tras nusoutrus.La gente venga rise, y gracias q'alcuntremus-una tabierna,que sinou...?peque nu parábanu-hasta Aljel.
Pur fin y pur postre salimus-a la praza mayore,escuímus las galochas, y ¡jópiu! pa'ncá'l maragat'onde deijemus las burras.
Pidimus-una zumbre, dos riales de guisau pacad'uno,dos mulletes ,y dos llibras de pescau,y zapémuslu tou en menus d'un Jesus.
Peque nu yer'hora de marchare, y ya cun la barriga llena antujóusei al ti Pucherus dir'al café;y fumus.¡Recongrio! y-aquí escumienza l'outra tragedia.Pequ'estábanus dejaus de la manu de Dios:Al abrire la puerta del café,el ti Pucherus que diba delantre,creyén que yera lu mesmu que la puerta del sou payare,y dióuy-un- emburrión tan grande, que i tirou tous lus cacharrus que llievaba 'n mozu d'aquellus n'un pratu d'hujalata.
Allevantóuse pasmada cuasi toa la gente del café;¿y-entróunus-una vergüenza recongrio?,que you pensei murire.Peru vamus,llamoruny-animal unas cuantas veces, y'aquí quedou tou,peru chachicus,nu i cabié l'alma n'el cuerpu.Pur fin y pur postre,nus fizu sentare'l mesmu mozu'n unus escañines encarnaus que se fundíen,y púsume unas cicarinas,una pa ca d'unu.Ami púsume tamién un pratín d'hujalata cun -azucre y-a él pusuyelu'n cima de la cicarina,peru nu se via.You,cumila toa,y-on ye dí un turrón-al ti Pucherus.Dispués,truj'unus pucherines d'hujalata tamién, y ¡recongrio!,¡chóunus-un café que cuasi fervié,You prubeilu, y tou m'escamei.El ti Pucherus metieu la cucharina y nu sei q'alcuntrou que mirou pamí y díjume;chachu;aquí peq'hay tajadas ¡Recongrio! escumienz'a princhare, y nada.You ye dige chachu,teneremus que pidir-un tenedore;peru n'estu chachicus, escumienz'arregulvere ¡y sacou l'azucre recongrio!
Llamei bobu nu sei cuantes veces,purque ye craru;muyóuse l'azucre, y sacóula mas amarga que la riz de l'aginciana.Peru 'nfin,cumímusla,y dispués d'un tragu,ichemus-el café pure 'l gañat'abaju.¡Recongriu q'amargore...!¡Recongrio que nánsias...! El ti Pucherus-escumienz'agumitáse,¿y-armóus'una?Cuyéulu'l mozu pur lus cabezones, y sacóulu pa-la calle.You paguey dos riales que pidieu, y jupiémelas en pos de'l.¡Recongrio!;pudés cuntá q'aquellu nu diba güenu.
¡A la cuadra...a la cuadra...!, gritaban lus siñuritus del café, y you pensei que querién dir'a quitanus las burras.¡Pasey-un sustu...!
Cuandu sali,alcuntraim¡al ti Pucherus cun la cara cumu la mesma cera y d'apelote.¡Recongrio que cara facié...!
Ficey punere¡l sumbreru, y cumu peque n'andaba,cuyilu d'una manu,y ¡recongrio!,tenialas más frías q'el mesmu gielu,cumpretament'ageladas cumpañerus,pèque paicié q'habié 'stau tou l'umbiern'al-abesedu.
¿Que tenedes-un?, y dige:y cuntestóume que i mancaban las tripas.¡Dios Santu! ;y antojóusei bajare las bragas...¡Nu dicie más que,you...you...!¡Recongrio mil veces q'apurus...Dígei q'apretara 'l pasu, y-el que nu puedu más,que nu puedu más!;arimous'a-una paré d'aquella casona que díz que ye la deputación, tapóuse cun l'enguarina, y cuandu cuasi n'habié'scumenzau,apresentóus'un tiéu d'aquellus que llievan-espada recongrio,y-dioy'un garrutazu ne'l llombu qué diz q'on ye duel.Pudés cuntá;¡el ti Pucherus cun las bragas ne la manu...!
Arremulinóuse la gente y querién facey lu mesmu q'a lus perrines piqueñus cun aquellu,y gracias -al nuesu deputau q'acertóu a salire d'aquella casona ¿que sinou?,sábeye bién amargu'l café.
18/11/2007
Una imaxen val mas que milentas de pallabras,¿non?...
Faigu-yos el resume d'un viax.
.jpg)
Bonu,séi que la xente que güedeye'l mieu blog (pouca...) tará cansá d' imaxenes ya vídeos,peru ía l'únicu xeitu de que a la xente quédese-y na mente lu que quiaru transmitir
(un culu:dous ñalgas;
menos lletra:mas imáxenes).
N'esta entrá quiaru acercar mas a esa zona "pertuesa" cun tantos raigaños llïoneses,ya poucu conocía aunque si pernomá.Punxiu un vídeu pa güedeyar una las riquezas d'esta zona: Lus suos danzantes (yá qu'ágora ya secretamente tou trabayandu 'n farramacos ya paloteros que puédase atopare nel nuesu territoriu...vale,teu de dicilu,si non vou esplotar: ¡¡¡¡¡¡QUIARU UNA MASCARA DE GUIRRIIIIIIIIII !!!!
Aclaráu estu,ehí va lu prometíu:
16/11/2007
02/11/2007
28/10/2007
| ||||||
Amestar feed a:
Contautar col autor |
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
