Bienvení@'l mieu blog chafallu :P ya gracias pula vuesa paciencia pur la tardanza de llograr esti blog,deixare dalgún camentariu :)
08/03/2006
Filandón d'avientu
Lus "teitadores"
Manolu ya Calros yeran dous personaxes percéllebres na zona.Yeran del valle d'Ancares ya vivían del "teitu",ye dicire,que tinían pur oficiu collocar la paxa centenu selleta,nomá "cuelmu",so la teichumbre las cás.Cobríanlas asina,especialmente nos corrales,valliéndouse d'una simple paleta de maderu,que tinía lleves resaltes nas suas caras,pa'l miyor dominiu la paxa,que collocaban fácilmente,deixandu una superficie llisa pur ú ascurrire l'augua de chuvia fasta llegare'l suelu,ú sonaba la musiquina espeicial las goteras.
Yeran lus dous gallardos enforma.La sua postura nél trebayu dába-yos un aspeutu de toreros de paleta ya cuelmu.
Calros yera'l formal,el seriu,el que presumía de sere'l mayestru la faena.Manolu,en cambeu,yera l'inxenúu,el nennu esgrandiayáu,el que güedeyaba contentu a las muyeres,peru ensin facilidá de pallabra.
Fartabase de tocare bien la gaita ,que siempres acompañába-y ,ya cun la cuale llograba ,enforma,sere la risión lus mayores ya la xuerga de lus piquiños cun la titiritaina que formaba.Pur la sua alma de nennu,toos queríanlu.
Ya cumu'l trebayu ya la forma facerlu,al igual que la diversión,revella'l carauter la xenti...
Estos fonun dous casos,nél,que'l mieu irmanu César,presencióu:
Un día taban "teitandu" nos corrales del mieu pá.La piértiga ú Calros apoyaba'l suo zapatu ,que taba carcomía ya vieya,rompióu.Esti,cae sobre outru palu d'embaxu,ensin llegare'l suelu ya queda nu cimeiru d'eilli.cumu bruixa so'l mangu un baleyu,peru non muy gozosu.
Torna la sua cara arrugándoula pausamente,pállida ya tamién dolloríu,siéntese'l probe humilláu pul fallu de quien creyíase un profeisional,incapaz de tenere un descuíu,lus demas si,nnidiu...
Marchóu-y'l dolor enseguía,cumu suel sucedere nos acidentes esnsin consecuéncia ya,una vegá recuperá la serenidá,güedeya p'hacia lus paisanos qu'acudienon preocupáos y'además coriosos,e inflandu los suos pulmones,echa-y un suspiru a l'asuntu,de xeitu quexunmbrosu ya revallorizante pa dicire:
Calros nin yera gordu nin flacu,nin altu nin baxu,nin bebedor abondu nin astemiu.Yera la virtú'n persona pur que yera braeiramente un promediu.Tampocu retenía munchu la bota que'l mieu pá ofrecía-yos cun vinu escellente ya llibre de toa química.
Manolu yera outra cousa.Yera más concretu,Yera altu ya delgáu,ya perbuen bebeor.Cuandu llegaba a lus suos garnapos la bota,agarrábala cun indecible tenrura,pur aqueillu de tare siempres un pocu allumbráu,abría un pocu lus pías buscandu equillibriu,llaneaba cun lus zapatos las brozas del suelu ya güedeyandu'l cielu ensin respiru,escondía la vista cun tal arte,que paecía San Franciscu'n contemplaición.
N'esta postura,prollongaba lu que podía'l "glu.glu...",fasta que Calros magába-y un bruscu <<¡ya basta,ya basta!>>
Ya Manolu finaba cun un llargu ya fuerte "¡aah!",tal guisa que facía dubidare si yera bostezu,rellinchu ou un gracias a Dieus.Agraecíu,volvía al trebayu satisfechu y'allegre.
Ciertu día,'l nuesu collaciu Manolu,subióu la gaita al llombru ya dispúsose a recorrere la cái prencepal del pueblu tocandu cumu sabía,tapandu ya destapandu furacos del punteru.
Yeran las 10 la nuachi,durante'l día tuvu lloviendu,pur lu cuale,el suo cuerpu descansáu,pedía-y movimientu.
Al llegare la plaza l'Ayuntamientu,encuentrase cun lus chavalotes del pueblu reuníos preparandu'n magostu.
Debían sere unos 30 diannos a lus que tamién el cuerpu pedía folixa descontrolá.Saludanonse a gritos,cumu de costumbre.Dempués d'unos minutacos,trascurríu'l tiempu de cortesía l'encuentru,emocionanse y pasan yá'l cachondéu.
Cueyen-y la gaita a la fuercia,ensin oyire las protestas de Manolu qu'invovcaba a la sua má:¡Ay mare quiria!,ya rogando-yos que nun rompieransela.peru'l llíder d'aqueillos inmisericordes,Honoriu,intentou sacare unos pitíos ,dempués d'inflare'l fole.Manolu veía acercarse la sua ruina.Nun tenía repuestu de na,ya,casi llorandu,volvía a implorare cun el mesmu "Ay mare quiria".
Dalgunos d'aqueillos,que debía de sere influyente,encargóuse de llevare un pocu d'allegría cun la promesa d'entregar-y la gaita si cumplía una coindición:collocarse a 3 metros del fueu cun la bouca abierta.
A lu que Manolu apresóuse ensin vacilar.
Lus encargáos d'asare castañas,cun urces robás al vecinu mas indefensu,yá habían termináu la sua llabor ya disponíanse cun gran xogloriu,a xintalas.
Entama la seisión.Dempués de dicir-y lu que tenía que facere'l probe Manolul,tiran-y las castañas a la bouca,ya peladinas,esu sí,ya d'una n'una.Poru tien que coyelas cun la bouca ensin utilizar las manos.Cumu si fuera'l xuéu la rana,cun la diferencia qu'eiquí la rana tamién muevese a pillare,purque había-y síu impuesta esa coindición.
Remembrában-y que punxiera munchu interés n'encestare,purque la gaita teníanla eillos.
Pur fin,fartos de reire fasta eichare del cuerpu too el suo venenu,dienon-y castañas de forma normal regás cun buen vinu,devolvienon-y la gaita íntrega ya finanon toos cumu irmanos ya fasta Manolu daba ya tonu a la sua muletiella,'l "mare quiria".
Paecía dicire:
"¡ay mare quiria!
qué bien encuéntroume ágora,
cun la gaita nas manos
y'l vinu subiéndouseme,
¡mare quiria!"
Marianu Pérez Fernández-Frsinéu,Avientu,2005
08/03/2006
Hestoria de filandón
La Donísia ya la Carouca remembrula you perbien.
La Carouca yera l?irmana la Rosaura la "cullona",jajaja.Punxímos-y esti mote purque nun paraba d´amuelar la xente,¡ay¡ que cuyonera yera!!!...
Estas arrexuntábanse a menúu pa tomare unos culinos de vinu ya xintare unas bonas empanás,xintaban cumu unas xabaces,cumu toa la xente´l pueblu,purque enantias xintábase munchu,purque trebayabamos abondu.
Álcuerdoume d´una vegá,que tabamos lus guaxes cerca la cá las irmanas cun la Rosaura "la del guante"(nomámosla asina purque ,al sere solterona,cumu las outras dos,taba muerta gana,y a vegás robaba,pur esu lu del mote).
Una vegá salienon bebías,cumu siempres,a la cái ,ya una güedeyóu´l cielu ya dixou: `Güedeya.güedeya!!,la lluna paez un inglés´ ,ya outra diz:`ya l'outra realines d'a tres´..jajaja...siempres taba'n viendu visiones ,lus del pueblu reiamos cun eillas ,íbanse a l'Audiéncia,ú ta ágora l'antiguü ayuntamientu ,fasta la Xana ;Paseábanse pur ehí,ya'n finar el caminu ya habían vistu 100 gamusinos,al menos...:) .
Una vegá,ficienon una apuesta,cumu siempres bebían,quedanon en que la que dixera la pallabra "vinu", pagaría una pennora de cincu rïales (esu n'esi tiempu yera munchu,munchu!!..ágora nun ye ná,nin siquier te pués mercar unos tadonxos xD!).
Lu importante yera beber ensin decir la pallabra prohibía.
Ya finandu l'empaná ya la tortiella,la "del guante" dixu:`hay d'el, nun se pué pasar sin el´ ,salta "la cullona":`Cueye'l xarru ya vete pur el´...jajaja.
Al final, finanon toas borrachas ya denguna pagóu'n res.
08/03/2006
Pim,piellu,cabardiellu,teng'un buei,
sabede arare,
trastornare,
da-y la vuelta'l culumare,
esti neñu piquiñinu,
mum se quier acustare
Una vieya meixouse n'un vasu relluciente,
ya outra bebiouselu albrirdrandu que yera augua ardiente.
Una vieya n'un corral tiru'n péu matóu'n pollu,
diañu de vieya que péu mas gordu!!
Una muyer fué a llavar,
olvidóse-y'l xabón
echu manu'l culu
ya sacou arroba y cuarterón.
Desfrutaban mas qu'un burru n'un zebadal d'un probe
Vinu vinín ,
coupa copín,
coupín de coupa,
el que nun diga
Vinu vinín ,
coupa copín,
coupín de coupa,
nun beberá una gouta
Esti vinín cristalinu,
nacíu ente esverdiayás matas
a lus hos mas vallientes
faen-yos andar de gatas.
Un vieya xintou la metá un kilu de mondongu
ya toa la nuachi anduvu cul orinal al llombu.
Manolu cacarolu,
cuandu meixa cacarea.
Cuandu sube'l correor
tira peos al tambor.
Tesoutu burru mouchu
Barrionuevu mierda nun cazuelu
Enrriba la villa pan y tortilla
A l'entrá d'este pueblu lu primeru que se vé son las ventanas abiertas y lus petates ensin facer
Cuandu Llucianu tira un péu Domingu y Ñieves creen qu'hay fueu
Antón poruntón cabritu de lladrón,
jantásteme las berzas y'agora dicesme que non
Carqueisa embotoná/graná lloba preñá,carqueisa floría lloba paría
*XUÉU:
En que tamos?
en tabletas
que jantamos?
manzanetas
pus ágora baxate'l burru que you me montaré
*Esti xuéu trata de,qué,dous personas,punxiánse d'espaldas agarrás nos brazos ya un tira p'alantre ensin moverse'l sitiu,asina l'outru que lu tien a la sua espalda llevántalu,n'esti tiempu,dicense esti canciu.
Cuandu finan,toca faerlu l'outru.El xuéu,tien pur finalidá,que dempués la llabranza,quedabante lus huesos encarcaráos,entós,tenian que restrallare cuandu aguntabas el pesu de l'outru ,asina,quedabaste miyor,la cancionciella dicíase pa calculare'l tiempu d'aguante,pa que l'espalda nun sofriere.
------------------------------------------------------
Adelino García García (conceyu'l "SOTO",el cabeiru fou nél añu 2004)
El que nun tien llagar ni columar nun se considera del llugar
Del Castru a la Pasada
dicen qu'hay un tesoru,
una Virxen de plata y un Cristu de oru
El que nun tiene tierras nél Estremaderu
ni huerta nél Nabariegu
nun ye vecín de Fresnedu***
***(La toponomía de Frisnéu ye "Fresnéu",dempués,hay varios falantes acastellanizáos que dicin Fresendu,esti canciu quedóu cumu Fresnedu,purque na segunda xeneraición perdióuse to la riqueza d'esti vocabru.Ye dificil de creyere que nos pueblos vecins entovía conservese la toponomía'l llugar y non,nél pueblu en si,purque pur exemplu,en Finolléu siguese dicindu "Fresnéu".)
| ||||||
Amestar feed a:
Contautar col autor |
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
