Bienvení@'l mieu blog chafallu :P ya gracias pula vuesa paciencia pur la tardanza de llograr esti blog,deixare dalgún camentariu :)
26/04/2006
Las filanderas (Hestorias curtias)
Fou un día la ca de Pilarín a lláu'l pozu que tenía la parte norti'l pueblu y'atopéi unas cuantas muyeres;
Taban toas arrexuntás,na eira'l Tiu Michanu;La mayoría taban filandu;You ditrás d'un fatu de carqueisas ya derrepente pasa'l FALADEIRU'l pueblu,ya tiróu un pedarrazu al lláu u taban eillas.
L'home,p'amansïare la cousa,salta:"Pa las que filan",y'entama a riise.Peru la fía'l ferreru,la mas listiella diz:"You adobanu",¿a si? "Pus cueyelu cun la manu".Entamanon toos a riire ya dalgunas cun remiellas pa la qu'adobanaba cumu dicindu "miyor,calladina..."
Las pedras del teixáu:
Taba you cun Marianua al lláu'l pozu l'eira,tou enchenu barrizales,que si descuidabaste,te moxabas enteru,purque enantias nun había asfaltu cumu ágora...y'amás esos charcos engañante,soden mas fondos de lu creyes.Lus poucos borrachos qu'hay nel pueblu siempres son los únicos que caen.
Tabamos eilli ,lus dous,Marianu yera mas grande que you,ya güedeyemos nel intre,un fatu de mozos que diban pa cun la Campanina (na plaza central del pueblu),onde reuníanse lus guaxes,pa facere conceyos;Lus mas piquiños xuegaban a l'escondite ou a l'aluche ya lus mas grandes a bolos llïoneses,(qu'el mieu güelu ya'l mieu pa yeran lus miyores).Lu miyor yera güedeyar l'especie de llucha llïonesa que facian,siempres había un mozu,que nomábase César ,igual que you,que yera de lus piquiños,peru'l mas grandullón,ya siempres que xuegaban y dibaste pa un lláu,eilli ayudabate pa que te cayeras,comu yera'l mas forfucu...Dempués taban lus mayores,que si facían aluche,yera pur l'amor d'una moza,pa ensiñar lu fuertes que yeran...
Bonu,diban pa la plaza,ya páranse a falar delantre la ca de tiu Fermín.Marianu,que yera muy pillu,ocorriose-y l'idega d'utilizar lus morrillos qu'habían pur ehí pa descargarlos nel teixáu,y'asina cuadrare que lus guaxes corrieren cagandu centiellas.Asina que cueyimos las piedras ya tiramoslas pal texáu'l Fermín (si nun facíalu,al sere tan bestia,dempués pegábame ya too,you yera'l piquiñu asina que tenía qu'oubedecere),ya: "pum.pum,pum,pum..." diban cayendu una pur una,pavias lus mozos siguian falandu.Al oyire'l ruíu Ferminín sal de la sua ca cul cinturón,lus mozos comu había Lluna güedeyanon l'aniella'l cinturón ya ensin entrugare a naide salienon toos pitandu,¡¡eilli naide entrugaba na!!corrienon ya corrienon ,ya peme que a un mozu ou dos,alcanzoule un zurriagazu.
Na plaza nun quedóu nin un alma.Desapaecienon toos en cuestíon de segundos.Pavias,Marianu ya you riendomos a carcaxá llimpia...
26/04/2006
Xineru:
Comu'n Diciembre,mátanse lus gochos, tamién hay fríu ya llueve abondu,pus curanse lus chorizos ya xamones.Ye dicire, tou lu de la matanza ya xántase de too lu que recoyiose durante l'annu.
Febreiru:
Llimpianse lus praos ya déxanse lus guertos llibres que tienen repollu,triegu ya cebá pa'l ganáu com' ugüeyas,vacas...purqu'en Marzu hay-los qu'arare ya sembrar .Enantias,escatábanse las urces pa facere'l pan nos fornos que cá ca tenía unu ya trayere lenna'l monte pa'l prósimu iviernu.
Marzu y'Abril:
Ya entama la faena:pódanse lus arbores ya las viñeas,faense semilleras de lechugas,pemientos ,tomates,zanahorias,calabacín ya repollu(berzas) pa llueu plantare cuandu seyan grandes punxialas en separáu ya medren mas,ya échanse trocines de patacas na tierra que ta ará y'aboná pa llueu recueyere pa xantar ou vender,siembranse garbanzos ya fabas pa tener fréxoles y'outros pa secar(pa semiella).Hay un dichu que diz:Pa San Marcos,lus garbanzos ,nin medráos ,ni nos sacos.(est'ía'l 25 d'Abril).Si hay calor pur abril ya mayu florecen lus arbores ya'l campu.Son lus meses mas bonitos,lus dís soden mas allonxáos ya mércanse lus gochos pa cebar durante too l'annu y dempués matar(enantias mercábanse'n setiembre,pa que la carni fora mas fecha ya miyor).
Mayu:
Enantias afuracabanse lus eiros pa dempués ralvare,y'haranse las vinnas,pa plantar las semilleras fechas en marzu;áranse las vinnas outra vegá,peru lus de 2ª ya déxanse medrare pa que dean las uvas,sulfátanse ya fasta la cosecha qu'ía a cabeiros de setiembre y cimeiros d'outubre.
Xunu y Xunetu:
Riégase'l frutu y llimpiase de hierbas pa que medre too lu de la huerta.Ya siegase la hierba lus práos enantias cul gadañu(ágora cun máquinas segaoras y'apolcanse)pa'l ganáu.
Xunetu y'Agostu:
Siegase'l pan lus eiros(enantias segábase cun Ocín y'acarríabase pa maxalu na metá de xunetu(ágora bien,una cosechadora que lu fae too n'un día:xuegan,axebran el granu la paxa)De la paxa que s'outién faen alpacas;Sobru'l 9-15 d'agostu plantanse'l repollu pa dare too l'iviernu.Enantias,a cabeiros d'agostu,sembarbanse mas patacas que recoxíanse'n Noviembre,ágora solu sembrase'n Marzu.
N'agostu ya cimeiros de setiembre sémanse las patacas ya lus garbanzos que ya tan secos igual que las fabas(qu'atópanse'n caxas).
Setiembre:
Ía'l mes que menos trebayu tien,y'aunque nas güertas siempres hay de facere daqué,tamién cellebrase,pur exemplu:El Cristu (17)ya La Encina(día 8),el mismu día tamién dívase al monte ya traíase ramos de robre pa las ugüeyas ya guardábanse nel paxar pa dar-yos cuandu nnevaba ya recoxíase,tamién,l'otueñu que yera yerba lus praos ya secabase pa lus animales.
Outubre:
Mes de recueyer cosechas,enantias que venga la lluvia,comu lus pemientos ,tomates y cebollas ya too lu de la güerta cun lus frutos.
Llueu,tamién,facíase la vendimia ya la sementera de cereales comu'l trigu,el centenu,la cebá...dende'l 15 d'outubre fasta'l 15 de nouviembre.
Nouviembre:
Páñanse las castannas d'una n'una (que yá ía tela...),enantias traíanse n'ouriciu día a día.Íbanse metiendu en ca ya dava-yse a lus gochos pa engordalos,ágora vendense pa piensu dulce y'asar pur las ciudaes,qu'enntias nun se mercaban n'éstas.
Avientu:
Lluvias ya ñeves,matábanse lus gochos,ca famillia c'un ya facíase fiesta'l día la matanzaya cul gochu muertu,las patacas en ca,el granu pa facere farina nos molins,amasabase nel fornu a lennaya recoxíanse lus garbanzos y'asina cun lu que tenáis pur ca,xantábase y'a pasare lus meses d'iviernu.Ya tornar a entamar.
08/03/2006
Frisnéu,según la toponomía,vien del llatín fráxinus o fresu.Cul sufixu -éu,tien el sinificáu d'abondancia,abondáncia de fresnos;cumu'n Finolléu ou Sancéu.
Cuandu lus romanosfonun sacare l'oru Las Médulas,nas suas incuirsiones pur lus valles del Bierzu,toparían cun esti ya,al güedeyar las susas trasgales,punxiénon-y'l nome qu'alludelas,"fraxinetum".
Esti pueblu está rodïáu de cuetos ya colinas,cumu diz el dicionariu xïográficu de Madoz(1847):"Situáu nun lláu pantanosu rodïáu de colinas baixas,dimpuestas en forma anfiteátru".Tien salía ñaturar pul Sud facia Pounfïerrá.
Cun la Montaña ya Picu Rei'l fondu.Nél que güedeyanse las "neds",fechas pur maanoxos ou gaviellas de trigu.
Ye una colina baixa cun un llanu nél graíl ú rïaizábanse faenas agrícolas.Triellabann el trigu c'una especie de plancha de madeiru na cuale cara inferior llevaban incrustáos peazos de fierru sacáos de lus callos qu'ampleaban pa fierrare'l ganáu bovinu ya de peazos de potes vieyos.
Tamién aprovechabanse las fierraduras lus caballos ya lus asnos qu'abundaban enforma y nun falamos en sentíu figuráu...
Del triellu tiraba lus bueis ya,'l suo amu,de pías enriba elli,diba asíu'l rabu d'un animal pa nun cayese.Cun l'outra manu llevaba la "guillá" ,pa imponere ritmu n'aqueillas vualtas circulares nu cimeiru la paxa a desgranare.
A las suas pías llevaba una pala pa recoxere la "moñica" que podía espelere un animal n'un momentu cualsequier.
La paxa debía de quedare llimpia porque cun eilla,cun farina,hierba seca ya sal,facíase piensos pa lus dís fríos ya neváos d'Avientu.
Una vegá finá la tarea,separaban la paxa'l granu.
Aqueilla diba'l paxar ya éste,aventandu suficientimente,axebráu ya de paxa ya polvu,enxamás miyor dichu,yera lleváu'n sacos al graneru.
Este pan de cadía yera l'allimentu básicu dende que Gaspar promoviese la rotruraición lus montes,inda pa eillu tuviere qu'acudire a la Guardia Civil pa defendese lus opositores.
Ehí finóu la miseria allimentaria'l pueblu.Ya tinía pan abondu ya podíanse sacrificare gochos cebáos enforma cun castañas ya farina,amén d'outros produtos de l'eiru.
08/03/2006
El tiu eusebiu
Cuandu facíamos lus conceyos pa semar lus campos ya cudiar lus camíns,reuníamosmos lus respresentantes de cá ca,asina cuandu l'alcalde pasaba llista siempres respuendieramos ,lus mozos,cousas de broma pa riïnos.Alcuerdoume ágora,qu'el tíu Eusebiu siempres llegaba tarde,siempres.Bonu,un día non,un día madrugóu tantu,tantu, que vinu'l cimeiru ya'l llegare nun güedeyóu a naide ,imaxina si yera céu!!.Asina que tornouse pa ca,...podía habere quedáu un ratín mas asperandu,pocu tardarian.Una cousina qu'enxamás pescanciéi yera ,que,si vivía'l lláu de la Audiéncia ¿¿cumu podía llegar tarde siempres??...ha,ha,ha .Era un ellementu esi home!.
Bonu,a lu que diba...esa vega,llegóu,tarde,peru llegóu,asina qu'el conceyu ya taba refechu,l'alcalde salta-y:¡Congu,cumu llegas tan tarde,siempres igual!,multa de 25pts!(l'alcalde punxiabalu nel notariu que tinia ya tou!!)...quedase n'un momentu sillenciu ya Eusebiu diz:-Ya'l que llegóu,ya nun llegóu;ya'l que volvíu ya nun vulvíu;y'agora ta eiquí;hay drechu a multalu??- ,fou'l día que mas riïmos,fasta l'alcalde dio una risotás pavias entamaba encabronase;Dempués,l'alcalde entamó outra vegá cun la rutina:-¡tinia que ponete mas,congu!-...dempués ya volvimos a lus nuesos "puestos",peru fou un ratu perallegre,craru que la multa nun quitábasela nin Dieus!!.La muyer del tale Eusebiu,nomábase Perfeta,yera la que mandaba na cá,ya yera una comadrona de marca!!.
Un día Eusebiu salióu al correor,taba lloviendu a cantaros y'andaba paseandu cun las madreñas d'adientru pa fuera la sua cá <<-clac,clac...->>,cuandu llebgaba'l final del pasiellu dicia-y a la sua muyer:-Me caguén dié Perfeta,pece que ta ñubrandu-,volvióu a repetilu unas cuantas vegás,la muyer cansouse,salióu al correor ya güedeou que taba lloviendu perfuerte ya diz:-¡Calla animal,que ta lloviendu!...ja,ja,ja.Dixolu cun una toná que lus que paseabamos cun paragüas tapabamosmos la cara perbien tapa pa que nun güedeyara las risotás.
Outra vegá,fou al ayuntamientu a empadronare la sua fía,'l presentase dice-y l'alcalde:-Buenos dís.que,¿cumu nómase la nina?-.Eusebiu quédase pensatievu ya diz:-Me caguen dié olvidóseme-,ya volvió pa cá,outra vegá cun las galochas <
Cousas de pueblu :)
08/03/2006
Escudu de Frisnéu
Frisnéu,pavias fou municipiu,tuvu,al menos durante las cabeiras décadas del sieglu XIX ya fasta 1993,un escudu d'armas municipal.A partir la fecha señalá,a entamos del Bieniu Ñegru,durante la II república,dexarase d'utillizare.
Dichu escudu yera acuarteláu.Lus cuarteles primeiru y terceiru apaecen siniestráos.Nél primeiru,representanse dous calldieras,pavias qu'el segundu ye xaqueláu.El terceiru caltién cumu armas unas cadenas en banda ya'l cuartu,un llión rampante,acompañáu d'un arbol(un fresnu)y,ambos surmontáos de dous frores de llis.Na parte siniestrá'l tecer cuartel,una fror de llis,pavias que la del primeiru presentase vacía.El sellu l'escudu municipal,que ye la'única representaición del mismu qu'ha llegáu fasta nós,ya que de momentu conozcamospresentase siempres cununa leyenda al suo alridor que diz:
AYUNTAMIENTU CONSTITUICIONAL DE FRISNÉU
Dibuixu:Escudu municipal de Frisnéu utilizáu dende lus annos cabeiros del sieglu XIX fasta l'annu 1993
Tratase d'un escudu cuyas armas obedecen a criterios hestóricos ya naturales.Pur un lláu reflexanse las armas lus llinaxes que a lu llargu la hestoria han rexíu,política ya xurisdicionarmente,lus destinos la villa y lus llugares compuixieron el municipiu fasta la sua desapaición cumu tal nél 1992.Representandu a Frisnéu,cumu capitalidá'l municipiu recoxense las armas d'algunos lus suos señiores xuridiscionales:Las calderas,que representan a la cá lus Núñez Guzmán ,llinaxe que poseyó la villa de Frisnéu durante lus 2 postreiros sieglos de la baxa edá miedia;las frores de llis,en representaición del llinax lus Flórez Osorio,Vizcondes de Quintaniella,siñores la villa durante gran parte lus sieglos XVII ya XVIII;la cadena cun cincu esllabones,posible representaición lus Zúñiga,llinax asentáu nél Bierzu nél sieglu asociáu a lus Villamizar ya que fonun siñores la villa a finales del XVII ya principios del XVIII,n'unas situaiciones nun estensas de pleitos ya demandas cun lus Vizcondes de Quintanilla.Pavias que lus demás pueblos del municipiu Finolléu ya Tombriu d'Enrriba,tarían representáos,el primeiru,pur que lus xaqueles,unu de los timbres heráldicos qu'usanun durante'l sieglu XVI lus Quiroga Losada y Villasur,siñores que fuenon de lus dos tercios de Cubiellos y de Finolléu durante too l'Antigüu Réximen:ya'l segundiu,Tombriu d'Enrriba,pur una fror de llis,símbolu heráldicu de lus suos postreiros siñores,lus Villanueva.Y pur lu que respeta a las outras armas heráldicas que faltan:el llión rampante ya l'arbol,harían referencia a permanencia l'Ayuntamientu de Frisnéu a la provincia y al Reinu de Llión,pavias que l'arbol,al fresnu,al propiu topónimu ed Frisnéu.
Pué llamar l'ateinción l'ausencia d'armas lus Osoriu,marqueses d'astorga.
El fechu de que fuesen lus suos cabeiros poseedores e inclusu la forma la recuperaición del Siñoríu,cun el consiguiente incrementu las cargas fiscales,pudu incidire nél suo non incluisión.
08/03/2006
Eiquí presentovos una amuesa'l vocabulariu de Frisnéu,¿p'atopare pallabras?,perfácil,namás falar cun la xenti d'eillí y arregláu.ENSIN LLIBRUS.Namás remarcare qu'esta amuesa pudu facerse un pocu mas grande,ye dicire,diban facer un llibru del vocabulariu d'esti pueblu,peru,saliou un zaragozanu,cul llibru "el habla de toreno"y se fue to a la broza.
Dar gracias a Emilia(la que sale nél llibru "el habla de Toreno",n'una semeya la cuale sal tres mocinas cul trax tradicional de Toral de Merayu,ye la primera que güedeyase)también a Serafina ya Benitu,lus que diban a sere lus autores...en fin.
Lus llïonesismos de Torenu y Frisnéu asemeyanse abondu,solu unas lleves camudaciones,pur exemplu: En Frisnéu dicese chafallo,ya'n Torenu,chafalleiro.Cal remarcare qu'el procesu de castellanización ye mas grande'n Frisnéu,que non en Torenu.También,pasa lu mesmu nél xéneru,pur exemplu:En Frisnéu:la criba ya'n Torenu'l cribo.
-abarca-especie de polainas
-l'alcurdión(fem-acordeón)
-acubir-sembrar
-amuelar-fastidiarse,joder
-ambuchar-comer
-aperos-utensilios para el campo que se llevavan para
vender en la feria hechos artesanalmente
-axeitu-adjetivo,no tener algo al alcance de la mano
-Barales-piértigas que se ponen en el techo para sujetar
los botillos,pregancias,turrunteiras...
-bicoca-fiesta
-bimar-2ªarada
-brisión-rabieta
-cafre-pillo
-camocha-cabeza
-canícula-niebla
-cantiáu-palos usados para construir las techumbres de las casas.
-caranvana/caranvelu-charco de hielo que se forma en los prados o holgazán,mandroso.
-careo-orden seguido de una posicion determinada
-carqueisa-carquesa
-ceneque (de pan)-mendrugo
-Cepu-conjunto urces que al quemar sacan chispas(especie de petardo rústico)
-chafallo(en Torenu Chafalleiro)-chapuzas
-chaguazu-lugar humedo normalmente encharcado donde
abundan babosas y limacos.en este caso es un prado de Frisnéu
-chamber-lamer
-chascariellos-brominas
-chusgar-guiñar
-Chueclas-camapanas que llevan los animales en la papada,colgando
-cochorla-mirlo
-cochos/cernicalos/abichuchos-cerdos
-cocosas-podridas
-corbizu-matos
-corrada-parte del huerto donode se plantan las patatas
-cribo/criba/ceranda-utensilio que servia para separa el grano de la paja
-dengue-toquilla
-embligu-ombligo
-emejo/emelejo-animal(insulto)
-empitanáu-muy mojado
-Encanar-tractar una herida
-enredar-jugar
-escoborcia-golpe
-escotar-preparar pachizo*
-escupiña-saliba
-esfaragollada-tierra que sale muy blanda pero por fuera esta muy dura.
-estornín-pajaro
-estoupar-rebentar
-estrebadera-¿?
-fabas/fabones-habas
-Fachenda-pers.que representa lo que no es
-farina-harina
-farrucu-hermoso
-ferragacos-hierracos
-folera-delgada
-forcadilla-tijeretas
-fornu-horno
-fozar-bufar como un cerdo-"Foza cumu'n gochu"
-frascuelu-jato pequeño
-fuíle-fuí
-fuleitu-matojos
-fuleru-mentiroso
-fulgazana-holgazana
-furar-meterse por un agujero
-furmientu-union de diversos metales
-Gabuzu-palo seco en el cual se hace lumbre quemandolo
-galfarro-aguilón
-garnapos-dedos
-gamallu-puñado
-goxa-cesta opara la ropa
-guardilla-desván
-guedeyu-mechón
-jantar/xintar/xantar-comer
-Lletania-parte última del rosario
-madroñu-especie de cerezas que emborrachan
-maluja-genitales del hombre
-managada-rapida
-mangar-imponer
-mayuelos-correas de cuero para los zapatos
-menezuela-2ºestomago de las pitas
-morriellu-piedra grande-Moruca-oruga
-nial-nido
-Pachoca-bosillo
-Pachizu-1.Urces en sí;2.Colmeiro(urces,conjunto;3.Cigarro;4.Envoltorio
-pañar/apañar-cojer
-pelele-calzoncillo
-peniellu-pequeñu
-petate/piltra/ruéu-cama
-pleitu fuleitu-juego que consiste en soplar a la cara
muy fuertemente y rapido
-Pistonuda-"guay","molona
-Pounfïerrá-Ponferrada
-Pregancia-objeto en el cual se ponían luces
(velas,gabuzos...)para no quemarse,normalmente eran de hierro
-Quilma-recipiente que se utilizavba en los molinos para saber la cantidad de harina que se sacaba.
-ralbar-1ª arada
-ralbar-arar
-resollar-funcionar
-rijuju-aturuxo
-rillar-dentera
-rolla-pajaro que siempre anida junto al río
-rotar/irutar-eruptar
-sartalucu-especie de campanas que tienen los
animales en la papada
-Soviáu-muro de hierba que protege a los pastores
del viento,lluvia...
-tabardu-abrigo
-tovía-todavía
-trapelina-madera que sirve para cerrar la puerta
-tronzar-corta
-turrunteira-tapa de los potes donde se cuece la comida
-uñir-uncir
-urces-especie de carqueisa
-veniéstes-venistes -Xarmientos-púas que salen de la viña -xustiellu-chaleco de la mujer 
Ya fice dalgunas autualizaiciones n'esti pallabreru,ya diré punxiandu mas cousas,asperandu dalgún filandón de vecins xD!...La muyer que pásoume dalgunas pallabras nómase Elvira,ía una muyer mayor ya cun pouca memoria...jajaja;Encargá de facere lus non muy famosos filandones del Sotu...;Solu quedan cincu muyeres,dispuestas a nun perdere esta tradición ,el suo trebayu val la pena almirarlu, yá qu'unas tan xordas ,doutras nun puen cul ánima...ay dieus!!,bonu,eillas son nacionaliegas,asina que nu creigu que tean tan mal...he,he,he
Saludines ya beisos!!08/03/2006
Cuentu:Lus 100 perros
Yera una vegá un llabraor que taba fartucu de que viniera la raposa a xintar-y lus pollos ya un día decidióu facere un tratu cun eilla;Quedanon que si'l llabraor punxiaba-y 100 pollos n'un sacu,que nun viniera mas a xintar lus que tenía.
Asina fizu;Taba la raposa'l lláu'l sacu,y'entama:-Oide,eiquí güel a perruscu-,ya'l llabraor too disimuláu,:-Non,ían lus pollos que se cagan-xD!!.
Pasóu un ratu,ya la raposa salta:-Oide,abrime'l sacu que quiaru güedeyar un pocu lus pitos-,nun yera muy confiá...-Val,preparate-dixu'l llabraor;Pam!! nel intre salen 100 perros,ditrás d'eilla.
Corriendu ,cagandu centiellas,la raposa ganóu la carreira.Punxióse embaxu'n arbor:
-Güeyines que bien viste,patinas que bien corriste,-ya diz el rabu:-¿Ya you?-,-Aaaarg!!tu rabu satanás que vien tirabas p'atrás!!-.
Xesusa Pérez Fernández-Frisnéu,Crudu iviernu,annu 1992;el día enantias que morriera.
08/03/2006
Conceyu pastoriegu
...remembru,ágora las campanas del pueblu,ellí'n Frisnéu hubieren unas bien grandotas que sonaban perfuerti sobretó la de l'andecha...peru cun la democraicia robánonlas,nin sisquier l'alcalde de Cubiellos fae pur recuperalas,cumu'l pendón,allegrémosnos cuandu lus de Torenu cunseguienon recuperare'l suyu,peru'l nuesu,entá,ta,perdíu...
Ah,si!!...las campanas,mira,lus de pueblu ya la cofradía tiniamos un siñal,pa dicire qu'hay fueu facíamos un rimu que diba de minor a mayor ya'l final parabase'l badaxu a lu secu tres vegás siguías.Si facían esti duas vegás sinificabase la muerte dalguien ya pa'l conceyu cumu'l fueu peru mas suave.Pa'l conceyu dibamos lus representantes de ca cá,si yeran muy oficiales,si non dibamos toos lus del pueblu ya reuníamos na audiencia,si diban lus representante mos presentabamos cun azás ya batederas,yera una costume'l pueblu.Mandaban l'alcalde ya'l presidente que yera'l mieu güelu Constantinu,podía asemeyase a cualsequier cousa,esceutu a un caciquinu,esti xuntu a Gaspar consiguienon abrire las tierras pa lus vecíns y' asina too'l mundiu tenía,al menos pan,y' enforma!!!,repartienon las suertes que yeran lus práos mas llueñes del llugar,a menos distancia taba'n lus eiros ,tamién nomáos barredos,cumu'n Finoyéu,ya las que taban a la pía cá,nomábanse corrás,cumu la del Navariegu ou la Caruzal.Estas tierras "routas" diban perbien ya que fizu xubir al pueblu la economía,cumu enxamás plantanonse na n'eillas,taba'n ricas en minerales...ya mos daba centenu enforma que cul trigu facíamos xinta pa lus animales...
Una vegá fou a Práunalvaru,nu cimeiru d'esti,ye dicire,nél Bildu ,eillí punxíamosmos a beber el lleite d'ugüeya cul mieu compañeru Santiaguín,el encargabase de coyer las cabras pur lus cuernos ya you aprovechar pa beber las mamas,poru dibamos camudandu rapidu d'animal pa qu'en cá nun dieranse cuenta jeje;que cafres yeramos...
Yera'l compañeru mas divertíu que tinía,pa facere de vientre tirabase la metá d'una hora,pur esu una vegá dixe-y "si quies güedeyar al tuo compañeru andar, parate a cagar",echóuse a riïr,que diba facere!!si yeramos piquiñinos,poru you dixe-y bien ñidiu que paecía que tinía la mierda na tiesta ya pur esu costaba de llegar ou cayóuse n'eilla!!...jajaja.
Siempre que dibamos nel monte,nun habían llavabos nin na,entós siemres guetabamos piedras cun punta,pa que llimpiaranlu bien too,el calzonciellu nun diba manchase...pur que nun llevabamos!! ya la culera'l pantalón, ca vegá ,facíase mas dura...
Tu nun cunties estu a naide,¿eh?
Frisnéu,Avientu'l 2005.Anonimatu.
Ya la Licia contóulu a too Dieus,peeeeeeeeeru:nun punxio nomes...¡ay,mare quiría!...:P
08/03/2006
Picu de rei ya'l Castru.
La Montaña describayá nel suo estremu Norti retuercese cumu'n cayáu,formandu Picu de Rei.De la prollongaición d'esti formandu fierradura,naz el Castru.
Lu del Picu creyu que nun merez tal nome,yá que nun compadécese cul rellanu qu'hay na parte mas alta ya que producióu ,siempres, centenu abondu.El granu amestábase cul triegu pa facere boronas.La paya usábase pa teichar ya pa mullir las cuadras ya que,cul tiempu,transformábase n'abonu'n forma de capa ou petate perdifícil d'estrayere.Tan difícil,malgoliente ya fatigousa,que lus xóvenes xocosamente ironizaban asina:"El vieyu dizme que pavias descansu,saque'l petate lus bueis".
El Castru ye un mirador.Dende'l cuale pué güedeyase la metá la oya berciana;peru nun yera frecuente xubir a eilli,pur sere inacesible d'axeitu dende la parte mas cercana'l pueblu.
Pur la sua llaera sur estíendese malas ierbas qu'otrora fonan prouditivas viñas.Cuandu you yera ninu furacábanse,arábanse y'abonábanse,pa face-yos rendir dulces racimos que producian muy buen vinu.
Teu un sucesu pergraciosu ya tiernu que cuntóume, la entós pispaxín la miea ma Xesusa.Lus suos pas ficiénon-y remembrare tantas vegás,qu'enxamás olvidóulu.
Taba'l suo pa Constantinu trebayandu na vinna de "Cansecu",a metá de km de ca.
La sua esposa Xulia preparaba-y la xinta,salía a l'era pa güedeyar si'l Sol llegóu a la cúspide la Guiana.Señalaba,cuale relox la Ñaturaleza,el mediu día ya yera entós cuandu las mocinas llevaban la xinta a lus suos mayores que taban trebayandu nos campos.
La sua hixina,ensin asperar a sere mocina,llevaba la merienda n'un cestín ñidiu feichu de mimbres.Contrastaba'l suo collor cul de lus artesanos que lus vendían,lus xitanos.
Un día,cun la sua cesta'l brazu,cun munchu garbu ya saleru,diba acercándose a la viña ya cun pllabras que denotan la sua cortísima edá,llevanta la sua voz de griellu y noma'l suo pa c'un glayíu:"Páaaaaaaaaaaaa,tayote vinuuuuu".Cumu estu repetiase siempres,temiendu que fuese-y a facere dañu ou punxierase piripi,ocorriose-y a la sua ma un día,recalca-y bien que lu que llevaba yera augua purque yera miyor que'l vinu.Nun vayaste a olvidare.Güei la bota, lleva augua,ya sabeslu.
Al arrimase,cumu siempres ya cun la mesma cestina que cun tantu viaxe dexaría de sere tan ñidia,glaya-y:"Páaaaaaaaaa,güei tayote ava,peru sabede a vinuuuuuuuu".
Cellebranon l'oucurrencia pur munchu tiempu ya seguismola cellebrandu...
Las siete viñas del mieu pa,daqué dempués nel tiempu,produicían vinu pa'l consumu internu ya tamién pa vendere a lus llangranos ya tombriegos que vinian cun lus suos caballos ya llevaban fasta tres odres ou pelleyos repletos de vinu nos llombos de c'animal.Pa esu había que trebayalas,que güei finandu'l sieglu,casi too ía un erial.
Marianu Pérez Fernández,22 y Avientu'l 2005,Frisneu
08/03/2006
La Montaña ía'l TesuLa Montaña ía'l Tesu,cumu la Osa'l Oseznu.Paez una ma que camina delantre ya que tien el pelu llargu nel sotu castaños xabaces.
Estas piértigas nomás "cantíos",yeran usáos pa construir las teichumbres las cás,pa cercare las fincas ya pa punxiar mangos a lus aperos de llabranza cumu hachas,palas,etc.
De l'outra parte La Montaña vinían las froundosas urces secás al sol na misma llaera,de'l mismu xeitu que secaba la hierba ya estendía nos praos.
La primera vegá que you fou a escotar urces,deprendí'l mieu pa una lleición prática abondu.Elli abrazaba las ramas c'una manu ya cun l'azadón n'outra,daba un golpe nu cimeiru'l cepu,quebrandoulas cun suma facilidá las deixaba nél suelu y a lus 20 dís,una vegá secas,facíamos gavillanas.Cincu facian un mañizu atáu cun bilortu ou puñáu de paya húmeda retorcía.
La pendiente llaera'l monte,nun podía subire'l carru purque nun había caminu fasta eillí.¿Cumu facere pa poder transportala?
La necesidá ye la ma lus inventos,cumu sabemos.N'efeutu estendíase nu cimeiru'l suelu una cuerda nomá reata.Sobru la cuale ,eilla ,amontonabase unos 10 mañizos,que bien punxiaos y'amarraos,facían cumu un cillindru qu'echabase a rodar facia dalgun camín ya empuxa-yse pa que nun detuvierase enantias de llegare'l suo destinu.
Oportunamenti ,acarriábanse pa un llau secu la ca y'asina pudienen dar al fornu un folixeru calentón capaz de cocere las fougazas,las torrás ya empanás.
Oh,las empanás!!Chapó a las empanás!,qu'hacianse cun cariñu de ma y'aires de folixa.Empanás fostiformes,preñás de patacas,acilgas,tocín ya chourizu...
Toos alrïor d'eilla ya cun toa la ca escaleza si yera iviernu paecíamos unos bienaventuráos ,ya yeramoslu, n'aquel ambiente de calefaición,aunque solu fuere una vegá ca 12 dís.
Aquel día l'allegría'l corazon maternu contaxiabase,ensin menuscabare tampocu l'allegría'l xarru;que nun en vanu,farina ya vinu pa ñacer,contaron cul sudor del corru,aunque unos sudaron mas y'outros menos.
Ditrás La Montña hay un valle nomáu Valruiz,ca de llobos y'outras alimannas,que subian pur las llaeras fasta alcanzar el llomu desd'ú pudieren otïar posibles presas.
Debiou sere pur l'annu 1935 cuandu la miea ma,un obreru ya you,estandu faenandu nel paraxe nomáu Gamallu,vimos desfilar cincu llobos.Venían de La montaña,del bosque de sotos,ya fuenon apaeciendu distantes unos 100 m entre suo.Al llegar a la castañal de Duguei,pur separáu,fuenonse parandu toos unos minutines caún ya güedeyandonos fixamente.
Lus mieus 7 annos temblaban.El cabeiru que venía coxu,sentóuse ya escudriñóu mas tiempu.Peru toos diban enfilandu 'l vallecín del Valhón.Impresionóume cun la ternura cumu güedeyaban pa las vacas que taban unnías al carru.
Al tesu subían p'aullare pur las nuaches,pa quexase la fame,'l fríu ou de la ventiesca ou quiciabes fuenan a rezar.
El suo Dieus ou providencia,que tien que sere'l mieu tamién,debiou-ys ouyire,pur lu menos un día.
Dempués de facere las suas oraiciones na sua llingua,baxanon facia la ca asinlá'l vecín Severu qu'habíase olvidau de guardar las ugüeyas nel corral ya seguramente tamién de rezar;ya lus mieos aulladores llobos,tornanonse sillenciosos ya dienonse un folixón.
Al día siguiente vienon lus vecíns que solu quedanon restos d'un gran banquete:llanas,pieles a bandullos a metá de xintare.
La llimpieza mayor dicen que corrióu a cargu la famillia canina ya nun ensin pelleas internas,-hay que ver-ya solu pur un nun quitesme d'ehí esa pezuña ou esa piel cun llana.
Peru hay que comprendere a lus peros,purque la fame cronica desesperaba al más pintáu.Había fame d'un día;peru tamién de temporá.Unos ayudaban,outros xintaban ca segundu día.Lus mas pedían llimosna a lus suos irmanus,visitandu lus xintaores de portiella'n portiella,pur si habría-ys sobrau daqué.Lus mas debiles pedianlu faciendu reverencias ya cun muncha educaición.Podían perdere una oriella...ya dabanse pur satisfechos si podianse llevar daqué a la bouca ou tragase una pezuña cumu fora,que lu tragáu ya nun prederiase.
Marianu Pérez Fernández,22 ya Avientu'l 2005.Frisneu
| ||||||
Amestar feed a:
Contautar col autor |
Archivu
| Quies facer un Blog equí
Sitiu desendolcáu, diseñáu y xestionáu 100% con Software llibre: GNU/linux, GIMP, PHP, MYSQL, APACHE, ...
